Read Новый Завет на церковнославянском языке К Евреям 7 Bible Online

К Евреям 7 - Новый Завет на церковнославянском языке bible

К Евреям 7

¹Сей бо мелхиседек, царь салимский, священник Бога вышняго, иже срeте авраама возвращшася от сeча царей и благсви его,

²емуже и десятину от всeх отдeли авраам, первeе убо сказуется царь правды, потом же царь салимский, еже есть, царь мира,

³без отца, без матере, без причта рода, ни начала днем, ни животу конца имeя, уподоблен же Сыну Божию, пребывает священник выну.

⁴Видите же, елик сей, емуже и десятину дал есть авраам патриарх от избранных.

⁵И приемлющии убо священство от сынов левиин заповeдь имут одесятствовати люди по закону, сирeчь, братию свою, аще и от чресл авраамовых изшедшую:

⁶не причитаемый же родом к ним, одесятствова авраама и имущаго обeтования благсви:

⁷без всякаго же прекословия меншее от болшаго благословляется.

⁸И здe убо десятины человeцы умирающии приемлют: тамо же свидeтелствуемый, яко жив есть.

⁹И да сице реку, авраамом и левий, приемляй десятины, десятины дал есть:

¹⁰еще бо в чреслeх отчиих бяше, егда срeте его мелхиседек.

¹¹Аще убо совершенство левитским священством было, людие бо на нем взаконени быша: кая еще потреба по чину мелхиседекову иному востати священнику, а не по чину ааронову глаголатися?

¹²прелагаему бо священству, по нужди и закону премeнение бывает.

¹³О немже бо глаголются сия, колeну иному причастися, от негоже никтоже приступи ко олтарю:

¹⁴явe бо, яко от колeна иудова возсия Господь наш, о немже колeнe моисей о священствe ничесоже глагола.

¹⁵И лишше еще явe есть, яко по подобию мелхиседекову востает священник ин,

¹⁶иже не по закону заповeди плотския бысть, но по силe живота неразрушаемаго.

¹⁷Свидeтелствует бо, яко ты еси священник во вeк по чину мелхиседекову.

¹⁸Отлагание убо бывает прежде бывшия заповeди за немощное ея и неполезное:

¹⁹ничтоже бо совершил закон: привведение же есть лучшему упованию, имже приближаемся к Богу.

²⁰И по елику не без клятвы:

²¹они бо без клятвы священницы быша, сей же с клятвою чрез глаголющаго к нему: клятся Господь и не раскается: ты еси священник во вeк по чину мелхиседекову:

²²по толику лучшаго завeта бысть испоручник Иисус.

²³И они множайши священницы быша, зане смертию возбранени суть пребывати:

²⁴сей же, занеже пребывает во вeки, непреступное имать священство,

²⁵тeмже и спсти до конца может приходящих чрез него к Богу, всегда жив сый, во еже ходатайствовати о них.

²⁶Таков бо нам подобаше архиерей: прпдбен, незлобив, безсквернен, отлучен от грeшник и вышше небес бывый,

²⁷иже не имать по вся дни нужды, якоже первосвященницы, прежде о своих грeсeх жертвы приносити, потом же о людских: сие бо сотвори единою, себе принес.

²⁸Закон бо человeки поставляет первосвященники, имущыя немощь: слово же клятвенное, еже по законe, Сына во вeки совершенна.