Read Новый Завет на церковнославянском языке К Евреям 8 Bible Online

К Евреям 8 - Новый Завет на церковнославянском языке bible

К Евреям 8

¹Глава же о глаголемых: такова имамы первосвященника, иже сeде о десную прстола величествия на небесeх,

²святым служитель и скинии истиннeй, юже водрузи Господь, а не человeк.

³Всяк бо первосвященник, во еже приносити дары же и жертвы, поставляемь бывает: тeмже потреба имeти что и сему, еже принесет.

⁴Аще бы бо был на земли, не бы был священник, сущым священником приносящым по закону дары,

⁵иже образу и стeни служат небeсных, якоже глаголано бысть моисею, хотящу сотворити скинию: виждь бо, рече, сотвориши вся по образу показанному ти на горe.

⁶Нынe же лучшее улучи служение, по елику и лучшаго завeта есть ходатай, иже на лучших обeтованиих узаконися.

⁷Аще бо бы первый он непорочен был, не бы второму искалося мeсто.

⁸Укоряя бо их глаголет: се, дние грядут, глаголет Господь, и совершу на дом израилев и на дом иудов завeт нов,

⁹не по завeту, егоже сотворих отцем их в день, в оньже емшу ми их за руку, извести их от земли египетския: зане тии не пребыша в завeтe моем, и аз нерадих о них, глаголет Господь.

¹⁰Яко сей завeт, егоже завeщаю дому израилеву по онeх днех, глаголет Господь, дая законы моя в мысли их, и на сердцах их напишу их, и буду им Бог, и тии будут мнe людие.

¹¹И не имать научити кийждо искренняго своего и кийждо брата своего, глаголя: познай Господа: яко вси увeдят мя от мала даже и до велика их,

¹²зане млстив буду неправдам их и грeхов их и беззаконий их не имам помянути ктому.

¹³Внегда же глаголет нов, обветши перваго: а обветшавающее и состарeвающееся близ есть истлeния.