Read Новый Завет на церковнославянском языке К Евреям 9 Bible Online

К Евреям 9 - Новый Завет на церковнославянском языке bible

К Евреям 9

¹Имeяше убо первая скиния (первый завeт) оправдания службы, святое же людское:

²скиния бо сооружена бысть первая, в нейже свeтилник и трапеза и предложение хлeбов, яже глаголется святая.

³По вторeй же завeсe скиния глаголемая святая святых,

⁴злату имущи кадилницу и ковчег завeта окован всюду златом, в немже стамна злата имущая манну, и жезл ааронов прозябший, и скрижали завeта:

⁵превышше же его херувими славы, осeняющии олтарь (очистилище): о нихже не лeть нынe глаголати подробну.

⁶Сим же тако устроеным, в первую убо скинию выну вхождаху священницы, службы совершающе:

⁷во вторую же единою в лeто един архиерей, не без крове, юже приносит за себе и о людских невeжествиих.

⁸Сие являющу духу святому, яко не у явися святых путь, еще первeй скинии имущей стояние.

⁹Яже притча во время настоящее утвердися, в неже дарове и жертвы приносятся, не могущыя по совeсти совершити служащаго,

¹⁰точию в брашнах и питиях, и различных омовениих, и оправданиих плоти, даже до времене исправления належащая.

¹¹Христос же пришед архиерей грядущих благ, болшею и совершеннeйшею скиниею, нерукотворенною, сирeчь, не сея твари,

¹²ни кровию козлею ниже телчею, но своею кровию, вниде единою во святая, вeчное искупление обрeтый.

¹³Аще бо кровь козляя и телчая и пепел юнчий кропящий оскверненыя освящает к плотстeй чистотe:

¹⁴кольми паче кровь Христова, иже духом святым себе принесе непорочна Богу, очстит совeсть нашу от мертвых дeл, во еже служити нам Богу живу и истинну?

¹⁵И сего ради новому завeту ходатай есть, да смерти бывшей, во искупление преступлений бывших в первeм завeтe, обeтование вeчнаго наслeдия приимут званнии.

¹⁶Идeже бо завeт, смерти нужно есть вноситися завeщающаго,

¹⁷завeт бо в мертвых извeстен есть: понеже ничесоже может, егда жив есть завeщаваяй.

¹⁸Тeмже ни первый без крове обновлен (утвержден) бысть.

¹⁹Реченнeй бо бывшей всяцeй заповeди по закону от моисеа всeм людем, приемь кровь козлюю и телчую, с водою и волною червленою и иссопом, самыя же тыя книги и вся люди покропи,

²⁰глаголя: сия кровь завeта, егоже завeща к вам Бог.

²¹И скинию же и вся сосуды служебныя кровию такожде покропи.

²²И отнюд кровию вся (и едва не вся кровию) очищаются по закону, и без кровопролития не бывает оставление.

²³Нужда убо бяше образом небeсных сими очищатися: самeм же небeсным лучшими жертвами, паче сих.

²⁴Не в рукотворенная бо святая вниде Христос, противообразная истинных, но в самое небо, нынe да явится лицу Божию о нас,

²⁵ниже да многажды приносит себе, якоже первосвященник входит во святая (святых) по вся лeта с кровию чуждею:

²⁶понеже подобаше бы ему множицею страдати от сложения мира: нынe же единою в кончину вeков, во отметание грeха, жертвою своею явися.

²⁷И якоже лежит (опредeлено есть) человeком единою умрети, потом же суд,

²⁸тако и Христос единою принесеся, во еже вознести многих грeхи, второе без грeха явится, ждущым его во спсние.