Read Новый Завет на церковнославянском языке Иакова 1 Bible Online

Иакова 1 - Новый Завет на церковнославянском языке bible

Иакова 1

¹Иаков, Богу и Господу Иисусу Христу раб, обeманадесяте колeнома, иже в разсeянии, радоватися.

²Всяку радость имeйте, братие моя, егда во искушения впадаете различна,

³вeдяще, яко искушение вашея вeры содeловает терпeние:

⁴терпeние же дeло совершенно да имать, яко да будете совершенни и всецeли, ни в чемже лишени.

⁵Аще же кто от вас лишен есть премудрости, да просит от дающаго Бога всeм нелицеприемнe и не поношающаго, и дастся ему.

⁶Да просит же вeрою, ничтоже сумняся: сумняйся бо уподобися волнению морскому, вeтры возметаему и развeваему.

⁷Да не мнит бо человeк он, яко приимет что от Бога.

⁸Муж двоедушен неустроен во всeх путех своих.

⁹Да хвалится же брат смиренный в высотe своей,

¹⁰богатый же во смирении своем, зане якоже цвeт травный мимоидет:

¹¹возсия бо солнце со зноем, и изсуши траву, и цвeт ея отпаде, и благолeпие лица ея погибе: сице и богатый в хождении своем увядает.

¹²Блажен муж, иже претерпит искушение: зане искусен быв, приимет вeнец жизни, егоже обeща Бог любящым его.

¹³Никтоже искушаемь да глаголет, яко от Бога искушаемь есмь: Бог бо нeсть искуситель злым (искушаемь злыми), не искушает же той никогоже,

¹⁴кийждо же искушается, от своея похоти влекомь и прельщаемь:

¹⁵таже похоть заченши раждает грeх, грeх же содeян раждает смерть.

¹⁶Не льститеся, братие моя возлюбленная:

¹⁷всяко даяние благо и всяк дар совершен свыше есть, сходяй от Отца свeтов, у негоже нeсть премeнение, или преложения стeнь.

¹⁸Восхотeв бо породи нас словом истины, во еже быти нам начаток нeкий созданием его.

¹⁹Тeмже, братие моя возлюбленная, да будет всяк человeк скор услышати и косен глаголати, косен во гнeв,

²⁰гнeв бо мужа, правды Божия не содeловает.

²¹Сего ради отложше всяку скверну и избыток злобы, в кротости приимите всажденное слово, могущее спасти душы вашя.

²²Бывайте же творцы слова, а не точию слышатели, прельщающе себе самeх.

²³Зане аще кто есть слышатель слова, а не творец, таковый уподобися мужу смотряющу лице бытия своего в зерцалe:

²⁴усмотри бо себе и отиде, и абие забы, каков бe.

²⁵Приникий же в закон совершен свободы, и пребыв, сей не слышатель забытлив быв, но творец дeла, сей блажен в дeлании своем будет.

²⁶Аще кто мнится вeрен быти в вас, и не обуздовает языка своего, но льстит сердце свое, сего суетна есть вeра.

²⁷Вeра бо честа и нескверна пред Богом и Отцем сия есть, еже посeщати сирых и вдовиц в скорбeх их, и нескверна себе блюсти от мира.