Read Новый Завет на церковнославянском языке Иакова 2 Bible Online

Иакова 2 - Новый Завет на церковнославянском языке bible

Иакова 2

¹Братие моя, не на лица зряще имeйте вeру Господа нашего Иисуса Христа славы.

²Аще бо внидет в сонмище ваше муж, злат перстень нося, в ризe свeтлe, внидет же и нищь в худe одeжди,

³и воззрите на носящаго ризу свeтлу, и речете ему: ты сяди здe добрe: и нищему речете: ты стани тамо, или сяди здe на подножии моем:

⁴и не разсмотристе в себe, и бысте судии помышлений злых.

⁵Слышите, братие моя возлюбленная, не Бог ли избра нищыя мира сего богаты в вeрe и наслeдники царствия, еже обeща любящым его?

⁶вы же укористе нищаго. Не богатии ли насилуют вам, и тии влекут вы на судища?

⁷не тии ли хулят доброе имя нареченное на вас?

⁸Аще убо закон совершаете царский, по писанию: возлюбиши искренняго своего якоже себе самаго, добрe творите:

⁹аще же на лица зрите, то грeх содeваете, обличаеми от закона якоже преступницы.

¹⁰Иже бо весь закон соблюдет, согрeшит же во единeм, бысть всeм повинен.

¹¹Рекий бо: не прелюбы сотвориши, рекл есть и: не убиеши. Аще же не прелюбы сотвориши, убиеши же, был еси преступник закона.

¹²Тако глаголите и тако творите, яко законом свободным имущии суд прияти.

¹³Суд бо без милости не сотворшему милости: и хвалится милость на судe.

¹⁴Кая польза, братие моя, аще вeру глаголет кто имeти, дeл же не имать? еда может вeра спасти его?

¹⁵Аще же брат или сестра нага будета и лишена будета дневныя пищи,

¹⁶речет же има кто от вас: идита с миром, грeйтася и насыщайтася? не даст же има требования тeлеснаго: кая польза?

¹⁷Такожде и вeра, аще дeл не имать, мертва есть о себe.

¹⁸Но речет кто: ты вeру имаши, аз же дeла имам: покажи ми вeру твою от дeл твоих, и аз тебe покажу от дeл моих вeру мою.

¹⁹Ты вeруеши, яко Бог един есть: добрe твориши: и бeси вeруют, и трепещут.

²⁰Хощеши же ли разумeти, о, человeче суетне, яко вeра без дeл мертва есть?

²¹Авраам отец наш не от дeл ли оправдася, вознес исаака сына своего на жертвенник?

²²Видиши ли, яко вeра поспeшествоваше дeлом его, и от дeл совершися вeра?

²³И совершися писание глаголющее: вeрова же авраам Богови, и вмeнися ему в правду, и друг Божий наречеся.

²⁴Зрите ли убо, яко от дeл оправдается человeк, а не от вeры единыя?

²⁵Такожде же и раав блудница не от дeл ли оправдася, приемши сходники и иным путем изведши их?

²⁶Якоже бо тeло без духа мертво есть, тако и вeра без дeл мертва есть.