Read Новый Завет на церковнославянском языке Иакова 3 Bible Online

Иакова 3 - Новый Завет на церковнославянском языке bible

Иакова 3

¹Не мнози учителие бывайте, братие моя, вeдяще, яко болшее осуждение приимем,

²много бо согрeшаем вси. Аще кто в словe не согрeшает, сей совершен муж, силен обуздати и все тeло.

³Се бо и конем узды во уста влагаем, да повинуются нам, и все тeло их обращаем:

⁴се, и корабли велицы суще и от жестоких вeтров заточаеми, обращаются малым кормилцем, аможе стремление правящаго хощет:

⁵такожде же и язык мал уд есть, и вельми хвалится. Се мал огнь, и коль велики вещи сожигает.

⁶И язык огнь, лeпота неправды: сице и язык водворяется во удeх наших, скверня все тeло, и паля коло рождения нашего, и опаляяся от геенны:

⁷всяко бо естество звeрей же и птиц, гад же и рыб, укрощается и укротится естеством человeческим,

⁸языка же никтоже может от человeк укротити: не удержимо бо зло, исполнь яда смертоносна.

⁹Тeм благословляем Бога и Отца, и тeм кленем человeки бывшыя по подобию Божию:

¹⁰от тeхже уст исходит благословение и клятва. Не подобает, братие моя возлюбленная, сим тако бывати.

¹¹Еда ли источник от единаго устия источает сладкое и горькое?

¹²Еда может, братие моя, смоковница маслины творити, или виноградная лоза смоквы? такожде ни един источник слану и сладку творит воду.

¹³Кто премудр и худог в вас, да покажет от добраго жития дeла своя в кротости и премудрости.

¹⁴Аще же зависть горьку имате и рвение в сердцах ваших, не хвалитеся, ни лжите на истину:

¹⁵нeсть сия премудрость свыше низходящи, но земна, душевна, бeсовска:

¹⁶идeже бо зависть и рвение, ту нестроение и всяка зла вещь.

¹⁷А яже свыше премдрость, первeе убо честа есть, потом же мирна, кротка, благопокорлива, исполнь милости и плодов благих, несумeнна и нелицемeрна.

¹⁸Плод же правды в мирe сeется творящым мир.