Read Новый Завет на церковнославянском языке Иакова 4 Bible Online

Иакова 4 - Новый Завет на церковнославянском языке bible

Иакова 4

¹Откуду брани и свары в вас? не отсюду ли, от сластей ваших, воюющих во удeх ваших?

²Желаете, и не имате: убиваете и завидите, и не можете улучити: сваряетеся и борете, и не имате, зане не просите:

³просите, и не приемлете, зане злe просите, да в сластех ваших иждивете.

⁴Прелюбодeе и прелюбодeйцы, не вeсте ли, яко любы мира сего вражда Богу есть, иже бо восхощет друг быти миру, враг Божии бывает.

⁵Или мните, яко всуе писание глаголет: к зависти желает дух, иже вселися в ны?

⁶Болшую же дает благодать: тeмже глаголет: Господь гордым противится, смиренным же дает благодать.

⁷Повинитеся убо Богу, противитеся же диаволу, и бeжит от вас.

⁸Приближитеся Богу, и приближится вам: очистите руцe, грeшницы, исправите сердца ваша, двоедушнии:

⁹постраждите и слезите и плачитеся: смeх ваш в плачь да обратится, и радость в сeтование:

¹⁰смиритеся пред Господем, и вознесет вы.

¹¹Не оклеветайте друг друга, братие: оклеветаяй бо брата, или осуждаяй брата своего, оклеветает закон и осуждает закон: аще же закон осуждаеши, нeси творец закона, но судия.

¹²Един есть законоположник и судия, могий спасти и погубити: ты же кто еси осуждаяй друга?

¹³Слышите нынe, глаголющии: днесь или утрe пойдем во он град, и сотворим ту лeто едино, и куплю дeем и приобрeтение:

¹⁴иже не вeсте, что утрe случится: кая бо жизнь ваша, пара бо есть, яже вмалe является, потом же исчезает.

¹⁵Вмeсто еже бы глаголати вам: аще Господь восхощет, и живи будем, и сотворим сие или оно:

¹⁶нынe же хвалитеся в гордынех ваших: всяка хвала такова зла есть.

¹⁷Вeдущему убо добро творити, и не творящему, грeх ему есть.