Read Новый Завет на церковнославянском языке Иакова 5 Bible Online

Иакова 5 - Новый Завет на церковнославянском языке bible

Иакова 5

¹Приидите нынe, богатии, плачитеся и рыдайте о лютых скорбех ваших грядущих на вы.

²Богатство ваше изгни, и ризы вашя молие поядоша.

³Злато ваше и сребро изоржавe, и ржа их в послушество на вас будет, и снeсть плоти вашя аки огнь: егоже снискасте в послeдния дни.

⁴Се, мзда дeлателей дeлавших нивы вашя, удержаная от вас, вопиет, и вопиения жавших во ушы Господа саваофа внидоша.

⁵Возвеселистеся на земли, и насладистеся: упитасте сердца ваша аки в день заколения.

⁶Осудисте, убисте првднаго: не противится вам.

⁷Долготерпите убо, братие моя, до пришествия Господня. Се земледeлец ждет честнаго плода от земли, долготерпя о нем, дондеже приимет дождь ран и позден:

⁸долготерпите убо и вы, утвердите сердца ваша, яко пришествие Господне приближися.

⁹Не воздыхайте друг на друга, братие, да не осуждени будете: се, судия пред дверьми стоит.

¹⁰Образ приимите, братие моя, злострадания и долготерпeния пророки, иже глаголаша именем Господним.

¹¹Се, блажим терпящыя. Терпeние иовле слышасте, и кончину Господню видeсте, яко многомилостив есть Господь и щедр.

¹²Прежде же всeх, братие моя, не кленитеся ни небом, ни землею, ни иною коею клятвою: буди же вам еже ей, ей, и еже ни, ни: да не в лицемeрие впадете.

¹³Злостраждет ли кто в вас? да молитву дeет: благодушствует ли кто? да поет.

¹⁴Болит ли кто в вас, да призовет пресвитеры церковныя, и да молитву сотворят над ним, помазавше его елеем во имя Господне:

¹⁵и молитва вeры спасет болящаго, и воздвигнет его Господь: и аще грeхи сотворил есть, отпустятся ему.

¹⁶Исповeдайте убо друг другу согрeшения и молитеся друг за друга, яко да исцeлeете: много бо может молитва првднаго поспeшествуема.

¹⁷Илиа человeк бe подобострастен нам, и молитвою помолися, да не будет дождь, и не одожди по земли лeта три и мeсяц шесть:

¹⁸и паки помолися, и небо дождь даде, и земля прозябе плод свой.

¹⁹Братие, аще кто в вас заблудит от пути истины, и обратит кто его,

²⁰да вeсть, яко обративый грeшника от заблуждения пути его спасет душу от смерти и покрыет множество грeхов.