Read Новый Завет на церковнославянском языке 1-е Петра 1 Bible Online

1-е Петра 1 - Новый Завет на церковнославянском языке bible

1-е Петра 1

¹Петр, апостол Иисус Христов, избранным пришельцем разсeяния понта, галатии, каппадокии, асии и вифинии,

²по прозрeнию Бога Отца, во святыни духа, в послушание и кропление крове Иисус Христовы: благодать вам и мир да умножится.

³Благословен Бог и Отец Господа нашего Иисуса Христа, иже по мнозей своей милости порождей нас во упование живо воскреснием Иисус Христовым от мертвых,

⁴в наслeдие нетлeнно и нескверно и неувядаемо, соблюдено на небесeх вас ради,

⁵иже силою Божиею соблюдаеми есте чрез вeру, во спасeние готовое явитися во время послeднее.

⁶О немже радуйтеся, мало нынe, аще лeпо есть, прискорбни бывше в различных напастeх:

⁷да искушение вашея вeры многочестнeйше злата гибнуща, огнем же искушена, обрящется в похвалу и честь и славу, во откровении Иисус Христовe,

⁸егоже не видeвше любите, и на негоже нынe не зряще, вeрующе же, радуетеся радостию неизглаголанною и прославленною,

⁹приемлюще кончину вeрe вашей, спасeние душам:

¹⁰о немже спасeнии взыскаша и испыташа пророцы, иже о вашей благодати прорекоша,

¹¹испытающе, в каково или в кое время являше в них дух Христов, прежде свидeтельствуя о Христовых страстех, и о славах, яже по сих:

¹²имже открыся, яко не им самeм, но нам служаху сия, яже нынe возвeстишася вам благовeствовавшими вам духом святым посланным с небесе, в няже желают ангели приникнути.

¹³Тeмже, возлюбленнии, препоясавше чресла помышления вашего, трезвящеся, совершеннe уповайте на приносимую вам благодать откровением Иисус Христовым.

¹⁴Яко чада послушания, не преобразующеся первыми невeдeния вашего похотeнии,

¹⁵но по звавшему вы святому, и сами святи во всем житии будите.

¹⁶Зане писано есть: святи будите, яко аз свят есмь.

¹⁷И аще Отца называете нелицемeрно судяща комуждо по дeлу, со страхом жития вашего время жительствуйте,

¹⁸вeдяще, яко не истлeнным сребром или златом избавистеся от суетнаго вашего жития отцы преданнаго,

¹⁹но честною кровию яко агнца непорочна и преч(с)та Христа,

²⁰предувeдeна убо прежде сложения мира, явльшася же в послeдняя лeта вас ради,

²¹иже его ради вeруете в Бога воздвигшаго его из мертвых и славу ему давша, яко да вeра ваша и упование будет на Бога.

²²Душы вашя очистивше в послушании истины духом, в братолюбие нелицемeрно, от чиста сердца друг друга любите прилeжно,

²³порождени не от сeмене истлeнна, но неистлeнна, словом живаго Бога и пребывающа во вeки.

²⁴Зане всяка плоть яко трава, и всяка слава человeча яко цвeт травный: изсше трава, и цвeт ея отпаде:

²⁵глагол же Господнь пребывает во вeки. Се же есть глагол благовeствованный в вас.