Read Новый Завет на церковнославянском языке 1-е Петра 3 Bible Online

1-е Петра 3 - Новый Завет на церковнославянском языке bible

1-е Петра 3

¹Такожде же и жены, повинующяся своим мужем, да и аще нeцыи не повинуются слову, женским житием без слова плeнени будут,

²видeвше еже со страхом чисто житие ваше.

³Имже да будет не внeшняя, плетения влас и обложения злата, или одeяния риз, лeпота,

⁴но потаеный сердца человeк, в неистлeнии кроткаго и молчаливаго духа, еже есть пред Богом многоцeнно.

⁵Тако бо иногда и святыя жены, уповающыя на Бога, украшаху себе, повинующяся своим мужем:

⁶якоже сарра послушаше авраама, господина того зовущи: еяже бысте чада, благотворящя и не боящяся ни единаго страха.

⁷Мужие такожде, вкупe живуще со своими женами по разуму, яко немощнeйшу сосуду женскому воздающе честь, яко и снаслeдницы благодатныя жизни, во еже не прекращатися молитвам вашым.

⁸Конец же, вси единомудрени будите, милостиви, братолюбцы, милосердни, благоутробни, мудролюбцы, смиреномудри:

⁹не воздающе зла за зло, или досаждения за досаждение: супротивное же, благословяще, вeдяще, яко на се звани бысте, да благословение наслeдите.

¹⁰Хотяй бо живот любити и видети дни благи, да удержит язык свой от зла, и устнe свои еже не глаголати льсти.

¹¹Да уклонится от зла, и да сотворит благо, да взыщет мира и да держится его:

¹²зане очи Господни на првныя, и ушы его в молитву их, лице же Господне на творящыя злая, еже потребити их от земли.

¹³И кто озлобит вас, аще благому подобницы будете?

¹⁴Но аще и страждете правды ради, блажени есте: страха же их не убойтеся, ниже смущайтеся.

¹⁵Господа же Бога освятите в сердцах ваших: готови же присно ко отвeту всякому вопрошающему вы словесе о вашем уповании, с кротостию и страхом:

¹⁶совeсть имуще благу, да о немже клевещут вас аки злодeев, постыдятся злословящии ваше благое о Христe житие.

¹⁷Лучше бо есть благое творящым, аще хощет воля Божия, пострадати, нежели зло творящым:

¹⁸зане и Христос единою о грeсeх наших пострада, првник за неправедники, да приведет ны Богови, умерщвлен убо быв плотию, ожив же духом:

¹⁹о немже и сущым в темницe духовом сошед проповeда,

²⁰противльшымся иногда, егда ожидаше Божие долготерпeние, во дни ноевы, дeлаему ковчегу, в немже мало, сирeчь осмь душ, спасошася от воды.

²¹Егоже воображение нынe и нас спасает крещение, не плотския отложение скверны, но совeсти благи вопрошение у Бога, воскреснием Иисус Христовым,

²²иже есть одесную Бога, возшед на небо, покоршымся ему ангелом и властем и силам.