Read Новый Завет на церковнославянском языке 2-е Петра 1 Bible Online

2-е Петра 1 - Новый Завет на церковнославянском языке bible

2-е Петра 1

¹Симон петр, раб и посланник Иисус Христов, равночестную с нами получившими вeру в правдe Бога нашего и спаса Иисуса Христа:

²благодать вам и мир да умножится в познании Бога, и Христа Иисуса Господа нашего.

³Яко вся нам божественныя силы его, яже к животу и благочестию, подана разумом призвавшаго нас славою и добродeтелию.

⁴имиже честная нам и великая обeтования даровашася, да сих ради будете божественнаго причастницы естества, отбeгше, яже в мирe, похотныя тли:

⁵и в самое же сие, тщание все привнесше, подадите в вeрe вашей добродeтель, в добродeтели же разум,

⁶в разумe же воздержание, в воздержании же терпeние, в терпeнии же благочестие,

⁷во благочестии же братолюбие, в братолюбии же любовь.

⁸Сия бо сущая в вас и множащаяся, не праздных ниже безплодных сотворят вы в Господа нашего Иисуса Христа познание:

⁹емуже бо нeсть сих, слeп есть, мжай, забвение прием очищения древних своих грeхов.

¹⁰Тeмже паче, братие, потщитеся извeстно ваше звание и избрание творити: сия бо творяще, не имате согрeшити никогдаже,

¹¹сице бо обилно приподастся вам вход в вeчное царство Господа нашего и Спаса Иисуса Христа.

¹²Сего ради не облeнюся воспоминати присно вам о сих, аще и вeдите, и утверждени есте в настоящей истинe.

¹³Праведно бо мню, донелeже есмь в сем тeлеси, возставляти вас воспоминанием,

¹⁴вeдый, яко скоро есть отложение тeлесе моего, якоже и Господь наш Иисус Христос сказа мнe.

¹⁵Потщуся же и всегда имeти вас по моем исходe память о сих творити.

¹⁶Не ухищренным бо баснем послeдовавше сказахом вам силу и пришествие Господа нашего Иисуса Христа, но самовидцы бывше величествия онаго.

¹⁷Прием бо от Бога Отца честь и славу, гласу пришедшу к нему от велелeпныя славы. сей есть Сын мой возлюбленныи, о немже аз благоизволих.

¹⁸И сей глас мы слышахом с небесе сшедшь, с ним суще на горe святeй.

¹⁹И имамы извeстнeишее пророческое слово: емуже внимающе якоже свeтилу сияющу в темнeм мeстe, добрe творите, дондеже день озарит, и денница возсияет в сердцах ваших,

²⁰сие прежде вeдуще, яко всяко пророчество книжное по своему сказанию не бывает.

²¹Ни бо волею бысть когда человeком пророчество, но от святаго духа просвeщаеми глаголаша святии Божии человeцы.