Read Новый Завет на церковнославянском языке 2-е Петра 2 Bible Online

2-е Петра 2 - Новый Завет на церковнославянском языке bible

2-е Петра 2

¹Быша же и лживии пророцы в людeх, якоже и в вас будут лживии учителие, иже внесут ереси погибели, и искупльшаго их влки отметающеся, приводяще себe скору погибель.

²И мнози послeдствуют их нечистотам, ихже ради путь истинный похулится.

³И в преумножении льстивых словес вас уловят: ихже суд искони не коснит, и погибель их не дремлет.

⁴Аще бо Бог аггелов согрeшивших не пощадe, но пленицами мрака связав, предаде на суд мучимых блюсти:

⁵и перваго мира не пощадe, но осмаго ноа правды проповeдника сохрани, потоп миру нечествовавших наведе:

⁶и грады содомския и гоморрския сжег, разорением осуди, образ хотящым нечествовати положив:

⁷и праведнаго лота, обидима от беззаконных в нечистотe сожития, избави.

⁸видeнием бо и слухом праведный, живый в них, день от дне душу првну беззаконными дeлы мучаше:

⁹вeсть Господь благочестивыя от напасти избавляти, неправедники же на день судныи мучимы блюсти,

¹⁰наипаче же вслeд плотския похоти сквернения ходящыя и о господствe нерадящыя: продерзателе, себe угодницы, славы не трепещут хуляще:

¹¹идeже ангели крeпостию и силою больши суще, не терпят на ся от Господа укоризнен суд.

¹²Сии же, яко скоти животни естеством бывше в погибель и тлю, в нихже не разумeют хуляще, во истлeнии своем истлeют,

¹³приемлюще мзду неправедну, сласть мняще вседневное насыщение, сквернители и порочницы, питающеся лестьми своими, ядуще с вами,

¹⁴очи имуще исполнь блудодeяния и непрестаемаго грeха, прельщающе душы неутверждены, сердце научено лихоимству имуще, клятвы чада:

¹⁵оставльше правый путь заблудиша, послeдовавше пути валаама восорова, иже мзду неправедну возлюби,

¹⁶обличение же имe своего беззакония: подяремник безгласен, человeческим гласом провeщавшь, возбрани пророка безумие.

¹⁷Сии суть источницы безводни, облацы и мглы от вeтр преносими, имже мрак темный во вeки блюдется.

¹⁸Прегордая бо суеты вeщающе, прельщают в скверны плотския похоти, отбeгающих всячески от них живущих во льсти,

¹⁹свободу им обeщавающе, сами раби суще тления: имже бо кто побeжден бывает, сему и работен есть.

²⁰Аще бо отбeгше скверн мира в разум Господа и Спаса нашего Иисуса Христа, сими же паки сплетшеся побeждаеми бывают, быша им последняя горша первых.

²¹Лучше бо бe им не познати пути правды, нежели познавшым возвратитися вспять от преданныя им святыя заповeди.

²²Случися бо им истинная притча: пес возвращься на свою блевотину, и: свиния, омывшися, в кал тинный.