Read Новый Завет на церковнославянском языке 2-е Петра 3 Bible Online

2-е Петра 3 - Новый Завет на церковнославянском языке bible

2-е Петра 3

¹Сие уже, возлюбленнии, второе вам пишу послание, в нихже возбуждаю воспоминанием ваш чистый смысл,

²помянути прежде реченныя глаголы от святых пророк, и апостол ваших заповeдь Господа и Спаса:

³сие прежде вeдяще, яко приидут в послeдния дни ругателе, по своих похотeх ходяще

⁴и глаголюще: гдe есть обeтование пришествия его, отнелeже бо отцы успоша, вся тако пребывают от начала создания.

⁵Таится бо им сие хотящым, яко небеса бeша исперва, и земля от воды и водою составлена, Божиим словом:

⁶тeмже тогдашнии мир, водою потоплен быв, погибе.

⁷А нынeшняя небеса и земля тeмже словом сокровена суть, огню блюдома на день суда и погибели нечестивых человeк.

⁸Едино же сие да не утаится вас, возлюбленнии, яко един день пред Господем яко тысяща лeт, и тысяща лeт яко день един.

⁹Не коснит Господь обeтования, якоже нeцыи коснeние мнят: но долготерпит на нас, не хотя да кто погибнет, но да вси в покаяние приидут.

¹⁰Приидет же день Господень яко тать в нощи, в оньже небеса убо с шумом мимо идут, стихии же сжигаемы разорятся, земля же и яже на ней дeла сгорят.

¹¹Сим убо всeм разоряемым, кацeм подобает быти вам во святых пребываниих и благочестиих,

¹²чающым и скорeе быти желающым пришествия Божияго дне, егоже ради небеса жегома разорятся, и стихии опаляемы растаются?

¹³Нова же небесе и новы земли по обeтованию его чаем, в нихже правда живет.

¹⁴Тeмже, возлюбленнии, сих чающе, потщитеся нескверни и непорочни тому обрeстися в мирe,

¹⁵и Господа нашего долготерпeние спасeние непщуите, якоже и возлюбленный наш брат павел по даннeй ему премудрости написа вам,

¹⁶якоже и во всeх своих посланиих, глаголя в них о сих: в нихже суть неудобь разумна нeкая, яже ненаучени и неутверждени развращают, якоже и прочая писания, к своей погибели им.

¹⁷Вы же убо, возлюбленнии, предвeдяще хранитеся, да не лестию беззаконных сведени бывше, отпадете своего утверждения.

¹⁸но да растете во благодати и разумe Господа нашего и Спаса Иисуса Христа. Тому слава и нынe и в день вeка. Аминь.