Read Новый Завет на церковнославянском языке 1-е Иоанна 3 Bible Online

1-е Иоанна 3 - Новый Завет на церковнославянском языке bible

1-е Иоанна 3

¹Видите, какову любовь дал есть Отецнам, да чада Божия наречемся, и будем. Сего ради мир не знает нас, зане не позна его.

²Возлюбленнии, нынe чада Божия есмы, и не у явися, что будем: вeмы же, яко, егда явится, подобни ему будем, ибо узрим его, якоже есть.

³И всяк имeяй надежду сию нань, очищает себе, якоже он чист есть.

⁴Всяк творяй грeх, и беззаконие творит: и грeх есть беззаконие.

⁵И вeсте, яко он явися, да грeхи нашя возмет, и грeха в нем нeсть.

⁶Всяк, иже в нем пребывает, не согрeшает: всяк согрeшаяй не видe его, ни позна его.

⁷Чадца, никтоже да льстит вас. Творяй правду праведник есть, якоже он праведен есть.

⁸Творяй грeх от диавола есть, яко исперва диавол согрeшает. Сего ради явися Сын Божий да разрушит дeла диаволя.

⁹Всяк рожденный от Бога грeха не творит, яко сeмя его в нем пребывает: и не может согрeшати, яко от Бога рожден есть.

¹⁰Сего ради явлена суть чада Божия и чада диаволя: всяк не творяй правды нeсть от Бога, и не любяй брата своего.

¹¹Яко се есть завeщание, еже слышасте исперва, да любим друг друга,

¹²не якоже каин от лукаваго бe и закла брата своего. И за кую вину закла его? Яко дeла его лукава бeша, а брата его праведна.

¹³Не чудитеся, братие моя, аще ненавидит вас мир.

¹⁴Мы вeмы, яко преидохом от смерти в живот, яко любим братию: не любяй бо брата пребывает в смерти.

¹⁵Всяк ненавидяй брата своего человeкоубийца есть: и вeсте, яко всяк человeкоубийца не имать живота вeчнаго в себe пребывающа.

¹⁶О сем познахом любовь, яко он по нас душу свою положи: и мы должни есмы по братии душы полагати.

¹⁷Иже убо имать богатство мира сего, и видит брата своего требующа, и затворит утробу свою от него, како любы Божия пребывает в нем?

¹⁸Чадца моя, не любим словом ниже языком, но дeлом и истиною.

¹⁹И о сем разумeем, яко от истины есмы, и пред ним смиряем сердца наша:

²⁰зане аще зазирает нам сердце наше, яко болий есть Бог сердца нашего и вeсть вся.

²¹Возлюбленнии, аще сердце наше не зазрит нам, дерзновение имамы к Богу,

²²и егоже аще просим, приемлем от него, яко заповeди его соблюдаем и угодная пред ним творим.

²³И сия есть заповeдь его, да вeруем во имя Сына его Иисуса Христа и любим друг друга, якоже дал есть заповeдь нам.

²⁴И соблюдаяй заповeди его в нем пребывает, и той в нем. И о сем разумeем, яко пребывает в нас, от духа, егоже дал есть нам.