Read Новый Завет на церковнославянском языке 1-е Иоанна 5 Bible Online

1-е Иоанна 5 - Новый Завет на церковнославянском языке bible

1-е Иоанна 5

¹Всяк вeруяй, яко Иисус есть Христос, от Бога рожден есть: и всяк любяй рождшаго любит и рожденнаго от него.

²О сем вeмы, яко любим чада Божия, егда Бога любим и заповeди его соблюдаем.

³Сия бо есть любы Божия, да заповeди его соблюдаем: и заповeди его тяжки не суть.

⁴Яко всяк рожденный от Бога побeждает мир: и сия есть побeда, побeдившая мир, вeра наша.

⁵Кто есть побeждаяй мир, токмо вeруяй, яко Иисус есть Сын Божий?

⁶Сей есть пришедый водою и кровию и духом, Иисус Христос, не водою точию, но водою и кровию: и дух есть свидeтелствуяй, яко дух есть истина.

⁷Яко трие суть свидeтелствующии на небеси, Отец, слово и святый дух: и сии три едино суть.

⁸И трие суть свидeтелствующии на земли, дух и вода и кровь: и трие во едино суть.

⁹Аще свидeтелство человeческое приемлем, свидeтелство Божие болeе есть: яко сие есть свидeтелство Божие, еже свидeтелствова о Сынe своем.

¹⁰Вeруяй в Сына Божия имать свидeтелство в себe: не вeруяй Богови лжа сотворил есть его, яко не вeрова во свидeтелство, еже свидeтелствова Бог о Сынe своем.

¹¹И сие есть свидeтелство, яко живот вeчный дал есть нам Бог, и сей живот в Сынe его есть.

¹²Имeяй Сына Божия имать живот: а не имeяй Сына Божия живота не имать.

¹³Сия писах вам вeрующым во имя Сына Божия, да вeсте, яко живот вeчный имате, и да вeруете во имя Сына Божия.

¹⁴И сие есть дерзновение, еже имамы к нему, яко аще чесо просим по воли его, послушает нас:

¹⁵и аще вeмы, яко послушает нас, еже аще просим, вeмы, яко имамы прошения, ихже просихом от него.

¹⁶Аще кто узрит брата своего согрeшающа грeх не к смерти, да просит, и даст ему живот, согрeшающым не к смерти. Есть грeх к смерти: не о том, глаголю, да молится.

¹⁷Всяка неправда грeх есть, и есть грeх не к смерти.

¹⁸Вeмы, яко всяк рожденный от Бога не согрeшает: но рожденный от Бога блюдет себе, и лукавый не прикасается ему.

¹⁹Вeмы, яко от Бога есмы, и мир весь во злe лежит.

²⁰Вeмы же, яко Сын Божий прииде и дал есть нам (свeт и) разум, да познаем Бога истиннаго и да будем во истиннeм Сынe его Иисусe Христe: сей есть истинный Бог и живот вeчный.

²¹Чадца, храните себе от треб идолских. Аминь.