Read Новый Завет на церковнославянском языке 2-е Иоанна 1 Bible Online

2-е Иоанна 1 - Новый Завет на церковнославянском языке bible

2-е Иоанна 1

¹Старец избраннeй госпожe и чадом ея, ихже аз люблю воистинну, и не аз точию, но и вси разумeвшии истину.

²за истину пребывающую в нас, и с нами будет во вeки.

³да будет с вами благть, милость, мир от Бога Отца, и от Господа Иисуса Христа, Сына Отча, во истинe и любви.

⁴Возрадовахся зeло, яко обрeтох от чад твоих ходящих во истинe, якоже заповeдь прияхом от Отца.

⁵И нынe молю тя, госпоже, не яко заповeдь пишу тебe нову, но юже имамы исперва, да любим друг друга.

⁶И сия есть любы, да ходим по заповeдем его. Сия есть заповeдь, якоже слышасте исперва, да в ней ходите:

⁷зане мнози лестцы внидоша в мир, не исповeдающе Иисуса Христа пришедша во плоти, сей есть льстец и антихрист.

⁸Блюдите себе, да не погубите яже дeласте добрая, но да мзду совершенну восприимете.

⁹Всяк преступаяй и не пребываяй во учении Христовe, Бога не имать. пребываяй же во учении Христовe, сей и Отца и Сына имать.

¹⁰Аще кто приходит к вам, и сего учения не приносит, не приемлите его в дом, и радоватися ему не глаголите.

¹¹глаголяи бо ему радоватися, сообщается дeлом его злым.

¹²Многа имeх писати вам, и не восхотeх хартиею и чернилом, но надeюся приити к вам и усты ко устом глаголати, да радость ваша будет исполнена.

¹³Цeлуют тя чада сестры твоея избранныя. Аминь.