Read Новый Завет на церковнославянском языке Иуды 1 Bible Online

Иуды 1 - Новый Завет на церковнославянском языке bible

Иуды 1

¹Иуда, Иисуса Христа раб, брат же иакова, сущым о Бозe Отцe освященным, Иисус Христом соблюденным званным:

²милость вам и мир и любы да умножится.

³Возлюбленнии, всяко тщание творя писати вам о общем спасении вашем, нужду возимeх писати вам, моля подвизатися о преданнeи вeрe святым единою.

⁴Привнидоша бо нeцыи человeцы, древле предуставленнии на сие осуждение, нечестивии, Бога нашего благодать прелагающии в скверну, и единаго владыки Бога и Господа нашего Иисуса Христа отметающиися.

⁵Воспомянути же вам хощу, вeдущым и вам единою сие, яко Господь люди от земли египетския спасе, послeди невeровавшыя погуби:

⁶аггелы же не соблюдшыя своего начальства, но оставльшыя свое жилище, на суд великаго дне узами вeчными под мраком соблюде.

⁷Якоже содома и гоморра и окрестнии их грады, подобным им образом преблудивше и ходивше вслeд плоти иныя, предлежат в показание, огня вeчнаго суд подемше,

⁸такожде убо и сии, сония видяще, плоть убо сквернят, господства же отметаются, славы же хуляще (не трепещут).

⁹Михаил же архангел, егда со диаволом разсуждая глаголаше о моисеовe тeлеси, не смeяше суда навести хульна, но рече: да запретит тебe Господь.

¹⁰Сии же, елика убо не вeдят, хулят: елика же по естеству яко безсловесная животная вeдят, в сих сквернятся.

¹¹Горе им. яко в путь каинов поидоша, и в лесть валаамовы мзды устремишася, и в пререкании корреовe погибоша.

¹²Сии суть в любвах ваших сквернители, с вами ядуще, без боязни себе пасуще: облацы безводни, от вeтр преносими: древеса есенна, безплодна, дважды умерша, искоренена.

¹³волны свирeпыя моря, воспeняющя своя стыдeния: звeзды прелестныя, имже мрак тьмы во вeки блюдется.

¹⁴Пророчествова же и о сих седмый от адама енох, глаголя: се приидет Господь во тьмах святых ангел своих,

¹⁵сотворити суд о всeх и изобличити всeх нечестивых о всeх дeлeх нечестия их, имиже нечествоваша, и о всeх жестоких словесeх их, яже глаголаша нань грeшницы нечестивии.

¹⁶Сии суть ропотницы, укорители, (часть порочна,) в похотех своих ходяще нечестием и законопреступлением: и уста их глаголют прегордая: чудящеся лицам пользы ради.

¹⁷Вы же, возлюбленнии, поминайте глаголы преждереченныя от апостол Господа нашего Иисуса Христа.

¹⁸зане глаголаху вам, яко в послeднее время будут ругатели, по своих похотех ходяще и нечестиих.

¹⁹Сии суть отдeляюще себе (от единости вeры, и суть) тeлесни, духа не имуще.

²⁰Вы же, возлюбленнии, стою вашею вeрою назидающе себе, духом святым молящеся,

²¹сами себе в любви Божиеи соблюдайте, ждуще милости Господа нашего Иисуса Христа, в жизнь вeчную.

²²И овeх убо милуите разсуждающе.

²³овeх же страхом спасайте, от огня восхищающе. обличайте же с боязнию, ненавидяще и яже от плоти оскверненую ризу.

²⁴Могущему же сохранити вы без грeха и без скверны и поставити пред славою своею непорочных в радости,

²⁵единому премудрому Богу и спасу нашему, Иисусом Христом Господем нашим, слава и величие, держава и власть, прежде всего вeка, и нынe, и во вся вeки. Аминь.