Read Новый Завет на церковнославянском языке Откровение 1 Bible Online

Откровение 1 - Новый Завет на церковнославянском языке bible

Откровение 1

¹Апокалипсис (откровение) Иисуса Христа, егоже (еже) даде ему Бог, показати рабом своим, имже подобает быти вскорe. И сказа, послав чрез ангела своего рабу своему иоанну,

²иже свидeтелствова слово Божие и свидeтелство Иисус Христово, и елика видe.

³Блаажен чтый, и слышащии словеса пророчествия, и соблюдающии писаная в нем: время бо близ.

⁴Иоанн седмим церквам, яже суть во асии: благодать вам и мир от сущаго, и иже бe, и грядущаго, и от седми духов, иже пред престолом его суть,

⁵и от Иисуса Христа, иже есть свидeтель вeрный, первенец из мертвых и князь царей земных: любящу ны и омывшу нас от грeх наших кровию своею,

⁶и сотворил есть нас цари и иереи Богу и Отцу своему, тому слава и держава во вeки вeков. Аминь.

⁷Се, грядет со облаки, и узрит его всяко око и иже его прободоша, и плачь сотворят о нем вся колeна земная. Ей, аминь.

⁸Аз есмь алфа и омега, начаток и конец, глаголет Господь, сый, и иже бe, и грядый, вседержитель.

⁹Аз иоанн, иже и брат ваш и общник в печали и во царствии и в терпeнии Иисус Христовe, бых во островe нарицаемeм патмос за слово Божие и за свидeтелство Иисус Христово.

¹⁰Бых в дусe в день недeлный, и слышах за собою глас велий яко трубы глаголющия: аз есмь алфа и омега, первый и послeдний:

¹¹и: яже видиши, напиши в книгу, и посли церквам, яже суть во асии: во ефес и в смирну, в пергам и в фиатир, и в сардис и в филаделфию и в лаодикию.

¹²И обратихся видeти глас, иже глаголаше со мною: и обратився видeх седмь свeтилник златых,

¹³и посредe седми свeтилников подобна Сыну человeчу, облечена в подир и препоясана при сосцу поясом златым:

¹⁴Глава же его и власи бeлы аки ярина бeлая, якоже снeг: и очи его яко пламень огнен:

¹⁵и нозe его подобнe халколивану, якоже в пещи разжженнe: и глас его яко глас вод мног:

¹⁶и держя в руцe своей деснeй седмь звeзд: и из уст его мечь обоюду остр изострен исходяй: и лице его якоже солнце сияет в силe своей.

¹⁷И егда видeх его, падох к ногама его яко мертв. И положи десницу свою на мнe, глаголя ми: не бойся: аз есмь первый и послeдний

¹⁸и живый: и бых мертв, и се, жив есмь во вeки вeков, аминь: и имам ключи ада и смерти.

¹⁹Напиши убо, яже видeл еси, и яже суть, и имже подобает быти по сем.

²⁰Таинство седми звeзд, яже видeл еси на десницe моей, и седмь свeтилник златых: седмь звeзд ангели седми церквей суть: и седмь свeтилников, яже видeл еси, седмь церквей суть.