Read Новый Завет на церковнославянском языке Откровение 11 Bible Online

Откровение 11 - Новый Завет на церковнославянском языке bible

Откровение 11

¹И дана ми бысть трость подобна жезлу, глаголя: востани и измeри церковь Божию и олтарь, и кланяющыяся в ней:

²а двор сущий внутрь (внe) церкве изнеси (исключи) внeуду, ниже измeри его, зане дан бысть языком: и град святый поперут четыредесять и два мeсяцы.

³И дам обeма свидeтелема моима, и прорицати будут дний тысящу двeстe и шестьдесят, оболчена во вретище.

⁴Сии суть двe маслицы и два свeщника пред Богом земли стояща.

⁵И иже им неправду сотворит, огнь исходит из уст их и пояст враги их: и иже восхощет обидeти их, сему подобает убиену быти.

⁶И сии имут область затворити небо, да не снидет дождь (на землю) во дни прорицания их, и область имут на водах, обращати я в кровь и поразити землю всякою язвою, елижды аще восхощут.

⁷И егда скончают свидeтелство свое, звeрь, иже исходит от бездны, сотворит с ними брань и побeдит их и убиет я,

⁸и трупы их оставит на стогнах града великаго, иже нарицается духовнe содом и египет, идeже и Господь наш распят бысть.

⁹И зрeти имут от людий и племен, и от язык и колeн, тeлеса их дни три и пол, и трупы их не оставят положити во гробeх.

¹⁰И живущии на земли возрадуются и возвеселятся о них, и дары послют друг ко другу, яко оба сия пророка мучиста живущыя на земли.

¹¹И по триех днех и пол, дух животен внидет в ня от Бога, и станут (оба) на ногах своих: и страх велий нападет на зрящих их.

¹²И услышат глас велий с небесе, глаголющ им: взыдита сeмо. И взыдоста на небо на облацeх, и видeша я врази их.

¹³И в час той трус бысть велий, и десятая часть града паде, и погибе трусом имен человeческих седмь тысящ: и прочии пристрашни быша и даша славу Богу небeсному.

¹⁴Горе второе отиде: се, горе третие грядет скоро.

¹⁵И седмый ангел воструби, и быша гласи велицы на нб(с)сeх, глаголюще: бысть царство мира Господа нашего и Христа его, и воцарится во вeки вeков.

¹⁶И двадесять и четыри старцы, пред Богом сeдящии на престолeх своих, падоша на лица своя и поклонишася Богу,

¹⁷глаголюще: хвалим тя, Господи Боже вседержителю, иже сый и бe и грядый, яко приял еси силу твою великую и воцарился еси:

¹⁸и языцы прогнeвашася: и прииде гнeв твой, и время мертвым суд прияти, и дати мзду рабом твоим пророком и святым и боящымся имене твоего, малым и великим, и растлити посмраждшыя (растлившыя) землю.

¹⁹И отверзеся храм Божии на небеси, и явися кивот завeта его в храмe его: и быша блистания и гласи, и громи и трус, и град велик.