Read Новый Завет на церковнославянском языке Откровение 12 Bible Online

Откровение 12 - Новый Завет на церковнославянском языке bible

Откровение 12

¹И знамение велие явися на небеси: жена облечена в солнце, и луна под ногама ея, и на главe ея вeнец от звeзд двоюнадесяте:

²и во чревe имущи, вопиет болящи и страждущи родити.

³И явися ино знамение на небеси: и се, змий велик чермен, имeя глав седмь и рогов десять, и на главах его седмь вeнец:

⁴и хобот его отторже третию часть звeзд небесных и положи я в землю (поверже я на землю). И змий стояше пред женою хотящею родити, да, егда родит, снeсть чадо ея.

⁵И роди сына мужеска, иже имать упасти вся языки жезлом желeзным: и восхищено бысть чадо ея к Богу и престолу его.

⁶А жена бeжа в пустыню, идeже имe мeсто уготовано от Бога, да тамо питается дний тысящу двeстe шестьдесят.

⁷И бысть брань на небеси: михаил и ангели его брань сотвориша со змием, и змий брася и аггели его,

⁸и не возмогоша, и мeста не обрeтеся им ктому на небеси.

⁹И вложен (повержен) бысть змий великий, змий древний, нарицаемый диавол и сатана, льстяй вселенную всю, и вложен (повержен) бысть на землю, и аггели его с ним низвержени быша.

¹⁰И слышах глас велий на небеси, глаголющь: нынe бысть спасeние и сила и царство Бога нашего и область Христа его, яко низложен бысть клеветник братии нашея, оклевещая их пред Богом нашим день и нощь.

¹¹И тии побeдиша его кровию агнчею и словом свидeтелства своего, и не возлюбиша душ своих даже до смерти.

¹²Сего ради веселитеся, небеса и живущии на них. Горе живущым на земли и мори, яко сниде диавол к вам, имeя ярость великую, вeдый, яко время мало имать.

¹³И егда видe змий, яко низложен бысть на землю, гоняше жену, яже роди мужеска.

¹⁴И дана быша женe два крила орла великаго, да парит в пустыню в мeсто свое, идeже препитана бяше ту время и времен и пол времене, от лица змиина.

¹⁵И испусти змий за женою из уст своих воду яко рeку, да ю в рeцe потопит.

¹⁶И поможе земля женe, и отверзе земля уста своя, и пожре рeку, юже изведе змий от уст своих.

¹⁷И разгнeвася змий на жену и иде сотворити брань со оставшим сeменем ея, иже соблюдают заповeди Божия и имeют свидeтелство Иисус Христово.