Read Новый Завет на церковнославянском языке Откровение 13 Bible Online

Откровение 13 - Новый Завет на церковнославянском языке bible

Откровение 13

¹И стах на песцe морстeм: и видeх из моря звeря исходяща, имуща глав седмь и рогов десять, и на розeх его вeнец десять, а на главах его имена хулна.

²Звeрь, егоже видeх, бe подобен рыси, и нозe ему яко медвeди, и уста его яко уста львова: и даде ему змий силу свою и престол свой и область великую.

³И видeх едину от глав его яко заколену в смерть, и язва смерти его исцeлe. И чудися вся земля вслeд звeря, и поклонишася змию, иже даде область звeрю,

⁴и поклонишася звeрю, глаголюще: кто подобен звeрю и кто может ратоватися с ним?

⁵И дана быша ему уста глаголюща велика и хулна, и дана бысть ему область творити мeсяц четыредесять два.

⁶И отверзе уста своя в хуление к Богу, хулити имя его и селение его и живущыя на небеси.

⁷И дано бысть ему брань творити со святыми и побeдити я: и дана бысть ему область на всяцeм колeнe (людий) и на языцeх и племенeх.

⁸И поклонятся ему вси живущии на земли, имже не написана суть имена в книгах животных агнца заколенаго от сложения мира.

⁹Аще кто имать ухо, да слышит.

¹⁰Иже аще в плeнение ведет, в плeнение пойдет: аще кто оружием убиет, подобает ему оружием убиену быти. Здe есть терпeние и вeра святых.

¹¹И видeх инаго звeря восходящаго от земли, и имeяше рога два, подобна агнчым, и глаголаше яко змий.

¹²И власть перваго звeря всю творяше пред ним: и творяше землю и вся живущыя на ней поклонитися первому звeрю, емуже исцeлена бысть язва смертная:

¹³и сотвори чудеса велика, да и огнь сотворит сходити с небесе на землю пред человeки.

¹⁴И льстит живущыя на земли, ради знамений, яже дана быша ему пред звeрем творити, глаголя живущым на земли, сотворити образ звeрю, иже имать язву оружную и жив бысть.

¹⁵И дано бысть ему дати дух образу звeрину, да проглаголет икона звeрина и сотворит, да иже аще не поклонятся образу звeриному, убиени будут.

¹⁶И сотворит вся малыя и великия, богатыя и убогия, свободныя и работныя, да даст им начертание на деснeй руцe их или на челeх их,

¹⁷да никтоже возможет ни купити, ни продати, токмо кто имать начертание, или имя звeря, или число имене его.

¹⁸Здe мудрость есть. Иже имать ум, да почтет число звeрино: число бо человeческо есть, и число его шесть сот шестьдесят шесть.