Read Новый Завет на церковнославянском языке Откровение 14 Bible Online

Откровение 14 - Новый Завет на церковнославянском языке bible

Откровение 14

¹И видeх, и се, агнец стояше на горe сионстeй, и с ним сто и четыредесять и четыри тысящы, имуще имя Отца его написано на челeх своих.

²И слышах глас с небесе, яко глас вод многих и яко глас грома велика: и глас слышах гудец гудущих в гусли своя

³и поющих яко пeснь нову пред престолом и пред четыри животными и старцы: и никтоже можаше навыкнути пeсни, токмо сии сто и четыредесять и четыри тысящы искуплени от земли.

⁴Сии суть, иже с женами не осквернишася, зане дeвственницы суть: сии послeдуют агнцу, аможе аще пойдет. Сии суть куплени от людий первенцы Богу и агнцу,

⁵и во устeх их не обрeтеся лесть: без порока бо суть пред престолом Божиим.

⁶И видeх инаго ангела паряща посредe небесе, имущаго евангелие вeчно благовeстити живущым на земли и всякому племени и языку, и колeну и людем,

⁷глаголюща гласом великим: убойтеся Бога и дадите ему славу, яко прииде час суда его, и поклонитеся сотворшему небо и землю, и море и источники водныя.

⁸И ин ангел вслeд иде, глаголя: паде, паде вавилон град великий, зане от вина ярости любодeяния своего напои вся языки.

⁹И третий ангел вслeд его иде, глаголя гласом великим: иже аще кто покланяется звeрю и иконe его и приемлет начертание на челe своем или на руцe своей,

¹⁰и той имать пити от вина ярости Божия, вина нерастворена (влиянна нерастворена) в чаши гнeва его, и будет мучен огнем и жупелом пред ангелы святыми и пред агнцем:

¹¹и дым мучения их во вeки вeков восходит, и не имут покоя день и нощь покланяющиися звeрю и образу его и приемлющии начертание имене его.

¹²Здe есть терпeние святых, иже соблюдают заповeди Божия и вeру Иисусову.

¹³И слышах глас с небесе, глаголющь ми: напиши: блажени мертвии, умирающии о Господe отнынe. Ей, глаголет дух, да почиют от трудов своих: дeла бо их ходят вслeд с ними.

¹⁴И видeх, и се, облак свeтел, и на облацe сeдяй подобен Сыну человeческому, имeя на главe своей вeнец злат, и в руцe его серп остр.

¹⁵И ин ангел изыде из храма, вопия велиим гласом сeдящему на облацe: посли серп твой и жни, яко прииде час пожати, зане изсше трава (жатва) земная.

¹⁶И положи (поверже) сeдяй на облацe серп свой на землю, и пожата бысть земля.

¹⁷И ин ангел изыде из церкве сущия на небеси, имый и той серп остр.

¹⁸И ин ангел изыде от олтаря, имый область на огни, и возопи кличем великим ко имущему серп острый, глаголя: посли серп твой острый и обемли грозды винограда земнаго, яко созрeша уже гроздие ея.

¹⁹И положи (верже) ангел серп свой на земли (на землю), и обере виноград земский и вложи в точило великия ярости Божия.

²⁰И испрано бысть точило внe града, и изыде кровь от точила даже до узд конских, от стадий тысяща и шесть сот.