Read Новый Завет на церковнославянском языке Откровение 17 Bible Online

Откровение 17 - Новый Завет на церковнославянском языке bible

Откровение 17

¹И прииде един от седми ангел имущих седмь фиал, и глагола со мною, глаголя ми: прииди, да покажу ти суд любодeйцы великия, сeдящия на водах многих:

²с неюже любодeяша царие земстии, и упишася живущии на земли от вина любодeяния ея.

³И веде мя в пусто мeсто духом: и видeх жену сeдящу на звeри червленe, исполненeм имен хулных, иже имeяше глав седмь и рогов десять.

⁴И жена бe облечена в порфиру и червленицу, и позлащена златом и камением драгим и бисером, имущи чашу злату в руцe своей полну мерзости и скверн любодeяния ея:

⁵и на челe ея написано имя: тайна, вавилон великий, мати любодeйцам и мерзостем земским.

⁶И видeх жену пияну кровьми святых и кровьми свидeтелей Иисусовых, и дивихся, видeв ю, дивом великим.

⁷И рече ми ангел: что дивишися? аз ти реку тайну жены (сея) и звeря носящаго ю, седмь глав имуща и рогов десять.

⁸Звeрь, егоже видeл еси, бe, и нeсть, и имать взыти от бездны, и в пагубу пойдет: и удивятся живущии на земли, имже имена не написана суть в книгу животную от сложения мира, видяще, яко звeрь бe, и нeсть, и преста (видяще звeря, иже бe, и нeсть, и предстанет).

⁹Здe ум, иже имать мудрость. Седмь глав горы суть седмь, идeже жена сeдит на них,

¹⁰и царие седмь суть: пять их пало, и един есть, (а) другий еще не прииде: и егда приидет, мало ему есть пребыти (подобает быти).

¹¹И звeрь, иже бe и нeсть, и той осмый есть, и от седмих есть, и в пагубу идет.

¹²И десять рогов, яже видeл еси, десять царей суть, иже царства еще не прияша, но область яко царие на един час приимут со звeрем.

¹³Сии едину волю имут, и силу и область свою звeрю дадут:

¹⁴сии со агнцем брань сотворят, и агнец побeдит я, яко Господь господем есть и царь царем: и сущии с ним званнии и избраннии и вeрни.

¹⁵И глагола ми: воды, яже еси видeл, идeже любодeйца сeдит, людие и народи суть, и племена и языцы.

¹⁶И десять рогов, яже видeл еси на звeри, сии любодeйцу возненавидят, и запустeвшу сотворят ю и нагу, и плоть ея снeдят, и сожгут ю огнем:

¹⁷Бог бо дал есть в сердца их, сотворити волю его, и сотворити едину волю, и дати царство свое звeрю, дондеже скончаются глаголы Божии.

¹⁸И жена, юже видeл еси, град есть великий, иже имать царство над цари земными.