Read Новый Завет на церковнославянском языке Откровение 18 Bible Online

Откровение 18 - Новый Завет на церковнославянском языке bible

Откровение 18

¹И по сих видeх ина ангела сходяща с небесе, имуща область велию: и земля просвeтися от славы его.

²И возопи в крeпости, гласом велиим глаголя: паде, паде вавилон великий, и бысть жилище бeсом и хранитель всякому духу нечисту, и хранилище всeх птиц нечистых и ненавидимых: яко от вина ярости любодeяния своего напои вся языки,

³и царие земстии с нею любы дeяша, и купцы земстии от силы пищи ея (от богатства сластей его) разбогатeша.

⁴И слышах глас ин с небесе, глаголющь: изыдите из нея, людие мои, да не причаститеся грeхом ея и от язв ея да не вредитеся:

⁵яко прилeпишася (взыдоша) грeси ея даже до небесе, и помяну Бог неправды ея.

⁶Воздадите ей, яко и та воздаде вам, и усугубите ей сугубо по дeлом ея: чашею, еюже черпа (вам), черплите ей сугубо.

⁷Елико прославися и разсвирeпe (насладися), толико дадите ей мук и рыданий: яко в сердцы своем глаголет, (яко) сeжу царицею, и вдова нeсмь, и рыдания не имам видeти.

⁸Сего ради во един день приидут язвы ей, смерть и плачь и глад, и огнем сожжена будет, яко крeпок Господь Бог судяй ей.

⁹И возрыдают и восплачутся ея царие земстии, любы дeявшии с нею и разсвирeпeвшии, егда узрят дым запаления ея,

¹⁰издалеча стояще за страх мук ея, глаголюще: горе, горе, град великий вавилон, град крeпкий, яко во един час прииде суд твой.

¹¹И купцы земстии возрыдают и восплачутся о нем, яко бремен их никтоже купует ктому,

¹²бремен злата и сребра, и камения драгаго и бисера, и висса и порфиры, и шелка и червени, и всякаго древа фиинна, и всякаго сосуда из кости слоновыя, и всякаго сосуда от древа честнаго, и мeдяна и желeзна и мраморна,

¹³и корицы и фимиама, и мира и ливана, и вина и елеа, и семидала и пшеницы, и скота и овец, и коней и колесниц, и тeлес и душ человeческих.

¹⁴И овощи похотей души твоея отидоша от тебе, и вся тучная и свeтлая отидоша от тебе, и ктому не имаши обрeсти их.

¹⁵Купцы сими обогащшеся от нея, издалеча станут за страх мучения ея, рыдающе и плачущеся,

¹⁶и глаголюще: горе, горе, град великий, облеченный виссом и порфирою и червленицею, и позлащеный златом и камением драгим и бисером

¹⁷яко во един час погибе толико богатство. И всяк кормчий, и всяк плаваяй в кораблех, и всяк елик в мори дeлаяй (и весь в кораблех народ, и корабелницы, и елицы в мори дeлают), издалеча сташа,

¹⁸и вопияху, видяще дым раждежения его, глаголюще: кий подобен граду великому?

¹⁹И положиша персть на главах своих, и возопиша плачущеся и рыдающе, глаголюще: горе, горе, град великий, в немже обогатишася вси имущии корабли в мори, от чести (богатства) его: яко единeм часом запустe.

²⁰Веселися о сем, небо, и святии апостоли и пророцы, яко суди Бог суд ваш от него.

²¹И взят един ангел крeпок камень велик яко жернов и верже в море, глаголя: тако стремлением ввержен будет вавилон град великий, и не имать обрeстися ктому:

²²и глас гудец и мусикий, и пискателей и труб не имать слышатися ктому в тебe: и всяк хитрец всякия хитрости не обрящется ктому в тебe, и шум жерновный не будет слышан в тебe:

²³и свeт свeтилника не имать свeтити в тебe ктому, и глас жениха и невeсты не имать слышан быти в тебe ктому: яко купцы твои бeша вельможи земстии, яко волхвовании твоими прельщени быша вси языцы.

²⁴И в нем кровь пророческа и святых обрeтеся и всeх избиенных на земли.