Read Новый Завет на церковнославянском языке Откровение 2 Bible Online

Откровение 2 - Новый Завет на церковнославянском языке bible

Откровение 2

¹Ангелу ефесския церкве напиши: тако глаголет держяй седмь звeзд в десницe своей, ходяй посредe седми свeтилников златых:

²вeм твоя дeла, и труд твой, и терпeние твое, и яко не можеши носити злых, и искусил еси глаголющыяся быти апостолы, и не суть, и обрeл еси их ложных:

³и понесл еси, и терпeние имаши, и за имя мое трудился еси и не изнемогл еси.

⁴Но имам на тя, яко любовь твою первую оставил еси.

⁵Помяни убо, откуду спал еси, и покайся, и первая дeла сотвори: аще же ни, гряду тебe скоро и двигну свeтилник твой от мeста своего, аще не покаешися.

⁶Но се имаши, яко ненавидиши дeл николаитских, ихже и аз ненавижду.

⁷Имeяй ухо да слышит, что дух глаголет церквам: побeждающему дам ясти от древа животнаго, еже есть посредe рая Божия.

⁸И ангелу церкве смирнския напиши: тако глаголет первый и послeдний, иже бысть мертв, и (се,) жив есть:

⁹вeм твоя дeла и скорбь и нищету, но богат еси, и хулы глаголющихся быти иудей, и не суть, но сонмище сатанино.

¹⁰Не бойся ничесоже, яже имаши пострадати. Се, имать диавол всаждати от вас в темницы, да искуситеся: и имeти будете скорбь до десяти дний. Буди вeрен даже до смерти, и дам ти вeнец живота.

¹¹Имeяй ухо слышати да слышит, что дух глаголет церквам: побeждаяй не имать вредитися от смерти вторыя.

¹²И ангелу пергамския церкве напиши: тако глаголет имeяй мечь обоюду изощрен:

¹³вeм дeла твоя, и гдe живеши, идeже престол сатанин: и держиши имя мое, и не отверглся еси вeры моея и в (моя) дни, в няже антипас свидeтель мой вeрный, иже убиен бысть в вас, идeже живет сатана.

¹⁴Но имам на тя мало, яко имаши ту держащих учение валаамово, иже учаше валака положити соблазн пред сынми Израилевыми, ясти жертвы идолския и любы творити.

¹⁵Тако имаши и ты держащыя учение николаитско, егоже ненавижду.

¹⁶Покайся: аще ли ни, прииду тебe скоро и брань сотворю с ними мечем уст моих.

¹⁷Имeяй ухо слышати да слышит, что дух глаголет церквам: побeждающему дам ясти от манны сокровенныя, и дам ему камень бeл и на камени имя ново написано, егоже никтоже вeсть, токмо приемляй.

¹⁸И ангелу фиатирския церкве напиши: тако глаголет Сын Божий, имeяй очи свои яко пламень огнен, и нозe его подобнe халколивану:

¹⁹вeм твоя дeла и любовь, и службу и вeру, и терпeние твое и дeла твоя, и послeдняя болша первых.

²⁰Но имам на тя мало, яко оставляеши женe иезавели, глаголющей себе быти пророчицу, учити и льстити моя рабы, любодeйствовати и снeсти жертву идолскую.

²¹И дах ей время, да покается от любодeйства своего, и не покаяся.

²²Се, аз полагаю ю на одрe и любодeющыя с нею в скорбь велию, аще не покаются от дeл своих:

²³и чада их умрут смертию (и чада ея убию смертию): и уразумeют вся церкви, яко аз есмь испытаяй сердца и утробы: и дам вам комуждо по дeлом вашым.

²⁴Вам же глаголю и прочым сущым в фиатирe, иже не имут учения сего и иже не разумeют глубин сатаниных, якоже глаголют: не возложу на вы тяготы иныя:

²⁵токмо, еже имате, держите, дондеже прииду.

²⁶И побeждающему и соблюдающему дeла моя до конца, дам ему власть на языцeх,

²⁷и упасет я жезлом желeзным, яко сосуды скудельничи сокрушатся, якоже и аз приях от Отца моего:

²⁸и дам ему звeзду утреннюю.

²⁹Имeяй ухо слышати да слышит, что дух глаголет церквам.