Read Новый Завет на церковнославянском языке Откровение 21 Bible Online

Откровение 21 - Новый Завет на церковнославянском языке bible

Откровение 21

¹И видeх небо ново и землю нову: первое бо небо и земля первая преидоста, и моря нeсть ктому.

²И аз иоанн видeх град святый, иерусалим нов сходящь от Бога с небесе, приготован яко невeсту украшену мужу своему.

³И слышах глас велий с небесе, глаголющь: се, скиния Божия с человeки, и вселится с ними: и тии людие его будут, и сам Бог будет с ними Бог их:

⁴и отимет Бог всяку слезу от очию их, и смерти не будет ктому: ни плача, ни вопля, ни болeзни не будет ктому, яко первая мимоидоша.

⁵И рече сeдяй на престолe: се, нова вся творю. И глагола ми: напиши, яко сия словеса истинна и вeрна суть.

⁶И рече ми: совершишася. Аз есмь алфа и омега, начаток и конец: аз жаждущему дам от источника воды животныя туне.

⁷Побeждаяй наслeдит вся, и буду ему Бог, и той будет мнe в сына.

⁸Страшливым же и невeрным, и скверным и убийцам, и блуд творящым и чары творящым, идоложерцем и всeм лживым, часть им в езерe горящем огнем и жупелом, еже есть смерть вторая.

⁹И прииде ко мнe един от седми ангел, имущих седмь фиал исполненых седмих язв послeдних, и рече ко мнe, глаголя: гряди, покажу ти невeсту агнчу жену.

¹⁰И веде мя духом на гору велику и высоку и показа ми град великий, святый иерусалим низходящь с небесе от Бога,

¹¹имущь славу Божию: и свeтило его подобно камени драгому, яко камени иаспису кристалловидну:

¹²имущь стeну велику и высоку, имущь врат дванадесять, и на вратeх ангелов дванадесять и имена написана, яже суть имена дванадесятим колeном сынов Израилевых:

¹³от востока врата троя и от сeвера врата троя, от юга врата троя и от запада врата троя.

¹⁴И стeна града имeяше оснований дванадесять, и на них имен дванадесять апостолов агнчих.

¹⁵И глаголяй со мною имeяше трость злату, да измeрит град и врата его и стeны его.

¹⁶И град на четыри углы стоит, и долгота его толика есть, елика же и широта. И измeри град тростию на стадий дванадесять тысящ: долгота и широта и высота его равна суть.

¹⁷И размeри стeну его во сто и четыридесять и четыри лакти, в мeру человeческу, яже есть ангела.

¹⁸И бe создание стeны его иаспис: и град злато чисто, подобен стклу чисту.

¹⁹И основания стeны града всяким драгим камением украшена бяху: основание первое иаспис, второе сапфир, третие халкидон, четвертое смарагд,

²⁰пятое сардоникс, шестое сардий, седмое хрисолиф, осмое вирилл, девятое топазий, десятое хрисопрас, первоенадесять иакинф, второенадесять амефист.

²¹И дванадесять врат дванадесять бисеров: едина каяждо врата бeша от единаго бисера. И стогны града злато чисто, яко сткло пресвeтло.

²²И храма не видeх в нем: Господь бо Бог вседержитель храм ему есть, и агнец.

²³И град не требуя солнца и луны, да свeтят в нем, слава бо Божия просвeти его, и свeтилник его агнец.

²⁴И языцы спасени во свeтe его пойдут, и царие земстии принесут славу и честь свою в него.

²⁵И врата его не имут затворитися во дни: нощи бо не будет ту.

²⁶И принесут славу и честь языков в него:

²⁷и не имать в него внити всяко скверно, и творяй мерзость и лжу, но токмо написаныя в книгах животных агнца.