Read Новый Завет на церковнославянском языке Откровение 22 Bible Online

Откровение 22 - Новый Завет на церковнославянском языке bible

Откровение 22

¹И показа ми чисту рeку воды животныя, свeтлу яко кристалл, исходящу от престола Божия и агнча.

²Посредe стогны его и по обаполы рeки древо животное, еже творит плодов дванадесяте, на кийждо мeсяц воздая плод свой: и листвие древа во исцeление языком.

³И всяка анафема не будет ктому: и престол Божий и агнечь будет в нем, и раби его послужат ему,

⁴и узрят лице его, и имя его на челeх их.

⁵И нощи не будет тамо, и не потребуют свeта от свeтилника, ни свeта солнечнаго, яко Господь Бог просвeщает я: и воцарятся во вeки вeков.

⁶И рече ми: сия словеса вeрна и истинна: и Господь Бог святых пророк посла ангела своего показати рабом своим, имже подобает быти вскорe.

⁷Се, гряду скоро: блажен соблюдаяй словеса пророчества книги сея.

⁸И аз иоанн видeх сия и слышах. И егда слышах и видeх, падох поклонитися на ногу ангела показующаго ми сие:

⁹и глагола ми: виждь, ни: клеврет бо твой есмь и братии твоея пророков и соблюдающих словеса книги сея: Богу поклонися.

¹⁰И глагола ми: не запечатлeй словес пророчествия книги сея: яко время близ есть.

¹¹Обидяй да обидит еще, и скверный да осквернится еще: и праведный правду да творит еще: и святый да святится еще.

¹²И се, гряду скоро, и мзда моя со мною, воздати коемуждо по дeлом его.

¹³Аз есмь алфа и омега, начаток и конец, первый и послeдний.

¹⁴Блажени творящии заповeди его, да будет область им на древо животное, и враты внидут во град.

¹⁵Внe же пси и чародeе, и любодeе и убийцы, и идолослужителе и всяк любяй и творяй лжу.

¹⁶Аз Иисус послах ангела моего засвидeтелствовати вам сия в церквах. Аз есмь корень и род давидов, и звeзда утренняя (свeтлая) и денница.

¹⁷И дух и невeста глаголют: прииди, и слышяй да глаголет: прииди. И жаждяй да приидет, и хотяй да приимет воду животную туне.

¹⁸Сосвидeтелствую бо всякому слышащему словеса пророчества книги сея: аще кто приложит к сим, наложит Бог на него язв написанных в книзe сей:

¹⁹и аще кто отимет от словес книги пророчествия сего, отимет Бог часть его от книги животныя, и от града святаго, и написанных в книзe сей.

²⁰Глаголет свидeтелствуяй сия: ей, гряду скоро: аминь. Ей, гряди Господи Иисусе.

²¹Благодать Господа нашего Иисуса Христа со всeми вами. Аминь.