Read Новый Завет на церковнославянском языке Откровение 3 Bible Online

Откровение 3 - Новый Завет на церковнославянском языке bible

Откровение 3

¹И ангелу сардийския церкве напиши: тако глаголет имeяй седмь духов Божиих и седмь звeзд: вeм твоя дeла, яко имя имаши яко жив, а мертв еси.

²Буди бдя и утверждая прочая, имже умрети: не обрeтох бо дeл твоих скончаных пред Богом твоим (моим).

³Поминай убо, како приял еси и слышал еси, и соблюдай и покайся. Аще убо не бдиши, прииду на тя яко тать, и не имаши почути, в кий час прииду на тя.

⁴Но имаши мало имен и в сардии, иже не оскверниша риз своих, и ходити имут со мною в бeлых, яко достойни суть.

⁵Побeждаяй, той облечется в ризы бeлыя, и не имам отмыти (изгладити) имене его от книг животных, и исповeм имя его пред Отцем моим и пред ангелы его.

⁶Имeяй ухо да слышит, что дух глаголет церквам.

⁷И ангелу филаделфийския церкве напиши: тако глаголет святый истинный, имeяй ключь давидов, отверзаяй, и никтоже затворит, затворяяй, и никтоже отверзет:

⁸вeм твоя дeла: се, дах пред тобою двери отверсты, и никтоже может затворити их: яко малу имаши силу, и соблюл еси мое слово, и не отверглся еси имене моего.

⁹Се, даю от сонмища сатанина глаголющыяся быти иудеи, и не суть, но лгут: се, сотворю их, да приидут и поклонятся пред ногама твоима, и уразумeют, яко аз возлюбих тя.

¹⁰Яко соблюл еси слово терпeния моего, и аз тя соблюду от годины искушения, хотящия приити на всю вселенную искусити живущыя на земли.

¹¹Се, гряду скоро: держи, еже имаши, да никтоже приимет вeнца твоего.

¹²Побeждающаго сотворю столпа в церкви Бога моего, и болe (вон) не имать изыти ктому: и напишу на нем имя Бога моего и имя града Бога моего, новаго иерусалима, сходящаго с небес от Бога моего, и имя мое новое.

¹³Имeяй ухо да слышит, что дух глаголет церквам.

¹⁴И ангелу лаодикийския церкве напиши: тако глаголет аминь (иже есть аминь), свидeтель вeрный и истинный, начаток создания Божия:

¹⁵вeм твоя дeла, яко ни студен еси ни тепл: не да студен бы был ни тепл (о!, дабы студен был еси или горящь)

¹⁶Тако, яко обуморен еси, и ни тепл ни студен, изблевати тя от уст моих имам (тако, понеже тепл еси, и ни студен еси ниже горящь, имам тя изблевати из уст моих)

¹⁷Зане глаголеши, яко богат есмь и обогатихся и ничтоже требую: и не вeси, яко ты еси окаянен и бeден, и нищь и слeп и наг.

¹⁸Совeщаю тебe купити от мене злато разжжено огнем, да обогатишися, и одeяние бeло, да облечешися, и да не явится срамота наготы твоея: и коллурием помажи очи твои, да видиши.

¹⁹Аз, ихже аще люблю, обличаю и наказую. Ревнуй убо и покайся.

²⁰Се, стою при дверех и толку: аще кто услышит глас мой и отверзет двери, вниду к нему и вечеряю с ним, и той со мною.

²¹Побeждающему дам сeсти со мною на престолe моем, якоже и аз побeдих и сeдох со Отцем моим на престолe его.

²²Имeяй ухо да слышит, что дух глаголет церквам.