Read Новый Завет на церковнославянском языке Откровение 4 Bible Online

Откровение 4 - Новый Завет на церковнославянском языке bible

Откровение 4

¹По сих видeх: и се, двери отверсты на небеси, и глас первый, егоже слышах яко трубу глаголющь со мною, глаголя: взыди сeмо, и покажу ти, емуже подобает быти по сих.

²И абие бых в дусe: и се, престол стояше на небеси, и на престолe сeдящь:

³и сeдяй бe подобен видeнием камени иаспису и сардинови: и (бe) дуга окрест престола подобна видeнием смарагдови.

⁴И окрест престола престоли двадесять и четыри: и на престолeх видeх двадесять и четыри старцы сeдящыя, облечены в бeлыя ризы, и имяху вeнцы златы на главах своих.

⁵И от престола исхождаху молния и громи и гласи: и седмь свeщников огненных горящих пред престолом, иже суть седмь духов Божиих:

⁶и пред престолом море сткляно, подобно кристаллу: и посредe престола и окрест престола четыри животна исполнена очес спреди и созади.

⁷И животно первое подобно льву, и второе животно подобно телцу, и третие животно имущее лице яко человeк, и четвертое животно подобно орлу летящу.

⁸И животна четыри, едино коеждо их имeяху по шесть крил окрест, и внутрьуду исполнена очес: и покоя не имут день и нощь, глаголюще: свят, свят, свят Господь Бог вседержитель, иже бe и сый и грядый.

⁹И егда даша животная славу и честь и благодарение сeдящему на престолe, живущему во вeки вeков,

¹⁰падоша двадесять и четыри старцы пред сeдящим на престолe, и поклонишася живущему во вeки вeков, и положиша вeнцы своя пред престолом, глаголюще:

¹¹достоин еси, Господи, прияти славу и честь и силу, яко ты еси создал всяческая, и волею твоею суть, и сотворена.