Read Новый Завет на церковнославянском языке Откровение 5 Bible Online

Откровение 5 - Новый Завет на церковнославянском языке bible

Откровение 5

¹И видeх в десницe сeдящаго на престолe книгу написану внутрьуду и внeуду, запечатану седмию печатию.

²И видeх ангела крeпка проповeдающа гласом великим: кто есть достоин разгнути книгу и разрeшити печати ея?

³И никтоже можаше ни на небеси, ни на земли, ниже под землею, разгнути книгу, ниже зрeти ю.

⁴И аз плакахся много, яко ни един обрeтеся достоин разгнути и прочести книгу, ниже зрeти ю.

⁵И един от старец глагола ми: не плачися: се, побeдил есть лев, иже сый от колeна иудова, корень давидов, разгнути книгу и разрeшити седмь печатей ея.

⁶И видeх, и се, посредe престола и четырех животных и посредe старец агнец стоящь яко заколен, имущь рогов седмь и очес седмь, еже есть седмь духов Божиих, посланных во всю землю.

⁷И прииде и прият книгу от десницы сeдящаго на престолe.

⁸И егда прият книгу, четыри животна и двадесять и четыри старцы падоша пред агнцем, имуще кийждо гусли и фиалы златы полны фимиама, иже суть молитвы святых:

⁹и поют пeснь нову, глаголюще: достоин еси прияти книгу и отверзти печати ея, яко заклался и искупил еси Богови нас кровию своею от всякаго колeна и языка и людий и племен,

¹⁰и сотворил еси нас Богови нашему цари и иереи: и воцаримся на земли.

¹¹И видeх, и слышах глас ангелов многих окрест престола и животных и старец, и бe число их тысяща тысящами (тмы тем и тысящы тысящей),

¹²глаголюще гласом великим: достоин есть агнец заколенный прияти силу и богатство, и премдрость и крeпость, и честь и славу и благословение.

¹³И всяко создание, еже есть на небеси и на земли, и под землею и на мори яже суть, и сущая в них, вся слышах глаголющыя: сeдящему на престолe и агнцу благословение и честь, и слава и держава во вeки вeков.

¹⁴И четыри животна глаголаху: аминь. И двадесять и четыри старцы падоша и поклонишася живущему во вeки вeков.