Read Новый Завет на церковнославянском языке Откровение 6 Bible Online

Откровение 6 - Новый Завет на церковнославянском языке bible

Откровение 6

¹И видeх, егда отверзе агнец едину от седми печатей, и слышах единаго от четырех животных глаголюща якоже глас громный: гряди и виждь.

²И видeх, и се, конь бeл, и сeдяй на нем имeяше лук, и дан бысть ему вeнец: и изыде побeждаяй, и да побeдит.

³И егда отверзе печать вторую, слышах второе животно глаголющее: гряди и виждь.

⁴И изыде другий конь рыжь: и сeдящему на нем дано бысть взяти мир от земли, и да убиют друг друга: и дан бысть ему мечь великий.

⁵И егда отверзе третию печать, слышах третие животно глаголющее: гряди и виждь. И видeх, и се, конь ворон, и сeдяй на нем имeяше мeрило в руцe своей.

⁶И слышах глас посредe четырех животных глаголющий: мeра пшеницы за динарь и три мeры ячменя за динарь: и елеа и вина не вреди.

⁷И егда отверзе четвертую печать, слышах глас четвертаго животна глаголющий: гряди и виждь.

⁸И видeх, и се, конь блeд, и сeдяй на нем, имя ему смерть: и ад идяше вслeд его: и дана бысть ему область на четвертeй части земли убити оружием и гладом, и смертию и звeрьми земными.

⁹И егда отверзе пятую печать, видeх под олтарем душы избиенных за слово Божие и за свидeтелство, еже имeяху.

¹⁰И возопиша гласом великим, глаголюще: доколe, влдко святый и истинный, не судиши и не мстиши крове нашея от живущих на земли?

¹¹И даны быша коемуждо их ризы бeлы, и рeчено бысть им, да почиют еще время мало, дондеже скончаются и клеврети их и братия их, имущии избиени быти, якоже и тии.

¹²И видeх, егда отверзе шестую печать, и се, бысть трус велий, и солнце мрачно бысть яко вретище власяно, и луна бысть яко кровь:

¹³и звeзды небесныя падоша на землю, якоже смоковница отметает пупы своя, от вeтра велика движима:

¹⁴и небо отлучися яко свиток свиваемо, и всяка гора и остров от мeст своих двигнушася:

¹⁵и царие земстии и вельможи, и богатии и тысящницы и сильнии, и всяк раб и всяк свободь скрышася в пещерах и камении горстeм,

¹⁶и глаголаша горам и камению: падите на ны и покрыйте ны от лица сeдящаго на престолe и от гнeва агнча:

¹⁷яко прииде день великий гнeва его, и кто может стати?