Read Новый Завет на церковнославянском языке Откровение 7 Bible Online

Откровение 7 - Новый Завет на церковнославянском языке bible

Откровение 7

¹И по сем видeх четыри ангелы стоящыя на четырех углeх земли, держащыя четыри вeтры земския, да не дышет вeтр на землю, ни на море, ни на всяко древо.

²И видeх инаго ангела восходяща от восхода солнца, имуща печать Бога живаго. И возопи гласом велиим к четырем ангелом, имже дано бысть вредити землю и море, глаголя:

³не вредите ни земли, ни моря, ни древес, дондеже запечатлeем рабы Бога нашего на челeх их.

⁴И слышах число запечатлeнных: сто четыредесять четыри тысящи запечатлeнных от всякаго колeна сынов Израилевых.

⁵От колeна иудова дванадесять тысящ запечатлeнных: от колeна рувимова дванадесять тысящ запечатлeнных: от колeна гадова дванадесять тысящ запечатлeнных:

⁶от колeна асирова дванадесять тысящ запечатлeнных: от колeна неффалимля дванадесять тысящ запечатлeнных: от колeна манассиина дванадесять тысящ запечатлeнных:

⁷от колeна симеонова дванадесять тысящ запечатлeнных: от колeна левиина дванадесять тысящ запечатлeнных: от колeна иссахарова дванадесять тысящ запечатлeнных:

⁸от колeна завулоня дванадесять тысящ запечатлeнных: от колeна иосифова дванадесять тысящ запечатлeнных: от колeна вениаминова дванадесять тысящ запечатлeнных.

⁹По сих видeх, и се, народ мног, егоже изчести никтоже может, от всякаго языка и колeна, и людий и племен, стояще пред престолом и пред агнцем, облечены в ризы бeлы, и финицы в руках их.

¹⁰И возопиша гласом велиим, глаголюще: спасeние сeдящему на престолe Богу нашему и агнцу.

¹¹И вси ангели стояху окрест престола и старец и четырех животных: и падоша на лицы пред престолом и поклонишася Богу,

¹²глаголюще: аминь: благословение и слава, и премдрость и хвала, и честь и сила и крeпость Богу нашему во вeки вeков. Аминь.

¹³И отвeща един от старец, глаголя ми: сии облеченнии в ризы бeлыя кто суть и откуду приидоша?

¹⁴И рeх ему: господи, ты вeси. И рече ми: сии суть, иже приидоша от скорби великия, и испраша ризы своя, и убeлиша ризы своя в крови агнчи:

¹⁵сего ради суть пред престолом Божиим и служат ему день и нощь в церкви его, и сeдяй на престолe вселится в них:

¹⁶не взалчут ктому, ниже вжаждут, не имать же пасти на них солнце, ниже всяк зной:

¹⁷яко агнец, иже посредe престола, упасет я и наставит их на животныя источники вод, и отимет Бог всяку слезу от очию их.