Read Новый Завет на церковнославянском языке Откровение 8 Bible Online

Откровение 8 - Новый Завет на церковнославянском языке bible

Откровение 8

¹И егда отверзе седмую печать, бысть безмолвие на небеси яко пол часа.

²И видeх седмь ангелов, иже пред Богом стояху: и дано бысть им седмь труб.

³И другий ангел прииде и ста пред олтарем, имeяй кадилницу злату: и даны быша ему фимиами мнози, да даст молитвам святых всeх на олтарь златый сущий пред престолом.

⁴И изыде дым кадилный молитвами святых от руки ангела пред Бога.

⁵И взят ангел кадилницу, и наполни ю от огня сущаго на олтари, и положи на земли (поверже на землю): и быша гласи и громи и блистания и трус.

⁶И седмь ангел, иже имeяху седмь труб, уготовашася, да вострубят.

⁷И первому ангелу вострубившу, бысть град и огнь, смeшены с кровию, и падоша на землю: и третия часть древа погорe, и всяка трава злачная погорe.

⁸И вторый ангел воструби, и яко гора велика огнем жегома ввержена бысть в море: и бысть третия часть моря кровь,

⁹и умре третия часть созданий сущих в мори, имущих душы, и третия часть кораблей погибе.

¹⁰И третий ангел воструби, и паде с небесе звeзда велика, горящи яко свeща, и паде на третию часть рeк и на источники водныя:

¹¹и имя звeздe глаголется апсинфос: и бысть третия часть вод яко пелынь, и мнози от человeк умроша от вод, яко горьки бeша.

¹²И четвертый ангел воструби, и уязвена бысть третия часть солнца и третия часть луны и третия часть звeзд, да затмится третия часть их, и дне третия часть да не свeтит, и нощь такожде.

¹³И видeх и слышах единаго ангела паряща посредe небесе, глаголюща гласом великим: горе, горе, горе живущым на земли от прочих гласов трубных триех ангел хотящих трубити.