Read Новый Завет на церковнославянском языке Откровение 9 Bible Online

Откровение 9 - Новый Завет на церковнославянском языке bible

Откровение 9

¹И пятый ангел воструби, и видeх звeзду с небесе спадшу на землю: и дан бысть ей ключь студенца бездны:

²и отверзе студенца бездны, и взыде дым от студенца яко дым пещи велики, и омерче солнце и воздух от дыма студеничнаго.

³И от дыма изыдоша прузи на землю, и дана бысть им область, якоже имут область скорпии земныя.

⁴И рeчено бысть им, да не вредят травы земныя, ни всякаго злака, ни всякаго древа, но человeки точию, иже не имут печати Божия на челeх своих.

⁵И дано бысть им, да не убиют их, но да муку приимут пять мeсяцей: и мучение их яко мучение скорпиево, егда усeкнет человeка.

⁶И в тыя дни взыщут человeцы смерти, и не обрящут ея: и вожделeют умрети, и убeжит от них смерть.

⁷И уподобления пругов подобна конем уготовленым на брань: и на главах их яко вeнцы уподоблени злату, и лица их яко лица человeческа:

⁸и имeяху власы, яко власы женския, и зубы их, яко львов бeша:

⁹и имeяху броня, яко броня желeзны, и глас крил их, яко глас колесниц, егда кони мнози текут на брань:

¹⁰и имeяху ошибы подобны скорпииным, и жала бяху во ошибeх их: и дана бe область им вредити человeки пять мeсяц.

¹¹И имeли над собою царя аггела бездны, емуже имя еврейски аваддон, а еллински аполлион.

¹²Горе едино отиде: се, грядут еще два горя по сих.

¹³И шестый ангел воструби, и слышах глас един от четырех рогов олтаря златаго сущаго пред Богом,

¹⁴глаголющий шестому ангелу имeющу трубу: разрeши четыри ангелы связаны при рeцe велицeй евфрат.

¹⁵И разрeшени быша четыри ангели уготовани на час и день, и мeсяц и лeто, да избиют третию часть человeк.

¹⁶И число воинов конных двe тмe тем: и слышах число их.

¹⁷И тако видeх в видeнии кони, и сeдящыя на них имущыя броня огненны и иакинфовы и жупелны: и главы конем (их) яко главы львом, и из уст их исхождаше огнь и дым и жупел.

¹⁸И от триех язв сих погибе третия часть человeков, от огня и от дыма и от жупела, исходящих из уст их:

¹⁹область бо коней во устeх их бe (и во ошибeх их), и (ибо) ошиби их подобни змием, имуще главы и тeми пакости дeюще.

²⁰И прочии от человeк, иже не вреждени быша (не избиени быша) язывами сими, ниже покаяшася от дeл рук своих, да не поклонятся демоном, ни идолом златым и сребряным, и мeдяным и каменным и древяным, иже ни видeти могут, ни слышати, ни ходити:

²¹и не покаяшася от убийств своих, ни от волхвований своих, ниже от блуда своего, ниже от татьб своих.