Read Capanahua Marcos 3 Bible Online

Marcos 3 - Capanahua bible

Marcos 3

¹Jaton haho tsinquiti xoboho cahen Jesus hihcorihbihi. Meyosmahi noque jano rihbi jai.

²Jesus jisquin sirijascacanquin. —Rohaja ra ta jatihiqui tantiti neten hihqui bi —hihxon jiscanquin jaya yohuanti janoxon cahecatsihquin.

³Jesusen sca meyosmahi yohiquin: —Noque tocanbi johue —hahquin.

⁴Jascajaxon tsahotaibo yocaquin: —¿Tantiti neten sirijati joi jaiquin? ¿Masajati joi jaiquin? ¿Teehihmati joi jaiquin? ¿Rehteti joi jaiquin? —jan jascahah bi jahua hihyamacani.

⁵Benaya bi sinaxon sca Jesusen jato bejispaquequin. Jointi chahomayabo copi benati. Meyosmahi sca yohiquin: —Miin mequen sanahihnihue —hahquin. Sanahihnihax rohascai.

⁶Jaa rohajahi jisish cainax herodianobo betan sca fariseobo hahqui yohuancani: —¿Jenquetsahaxon non Jesus mahuamatihin? —hihcani yohuani. Hian quexa tsamajaquetaibo

⁷Hian janin sca jahuen haxenicabo betan Jesus caresscai. Hahchon bocani hicha jonibo tsama bi res. Galilea mai mehax, Judea mai mehax.

⁸Jerusalen janinhax, Idumea janinhax, Jordan hoque quexa quehax, Tiro janinbohax, Sidon janinbohax. Tsama bi res hahqui cahax tsamajaqueti. Jatihibi jan hahcaibo nincacax tsamajaqueti hashoan nincacatsihqui.

⁹Main tsamajaquetaibo hahqui tsehquesihquiboya jahuen haxenicabo sca yohiquin: —Nonti jistannahue non hahan canon —hahquin.

¹⁰Jan hicha rohajahipi copi hisinyahpabaan jatihixonbi Jesus mehecatsihquish hahqui tsamajaquetax tsehquesihqui.

¹¹Yoshin tiromabaan rihbi Jesus jisish hahqui betihipaquetax joi coshin yohuani: —Mia tah min Diosen baque qui —hihcani.

¹²Jonibaan yoshin jascari yohuanai nincayamanon hihxon, jato hihti yohiquin: —Yohuanyamanahue —hahquin. Jahuen doce raantibo Jesusen caisai

¹³Mananahbo sca cahi. Caxon jan caisaibo quenaquin. Quenahah hahqui bocani.

¹⁴Doce joni cahen caisquin, hahbetan nihnon. Papan joi yohinicabo raannoxon jato caisquin.

¹⁵Tiroma yoshin potati hihbobo hihnon jato caisquin.

¹⁶Huetsa cahen Simon. Jaa cahen Pedro janequin.

¹⁷Huetsa cahen Jacobo, Zebedeon baque. Huetsa cahen Juan Jacobonen huetsa. Jabo rabe Jesusen Boanerges janequin. Boanerges cahen terenhihca baquebo hihcatsihqui.

¹⁸Huetsa cahen Andres, huetsa cahen Felipe, huetsa cahen Bartolomé, huetsa cahen Mateo, huetsa cahen Tomas, huetsa cahen Alfeon baque Jacobo, huetsa cahen Tadeo, huetsa cahen Simon Celador,

¹⁹huetsa cahen Judas Iscariote, Jesus bihmanica. Jaa rahsi caisquin, doce joni. Mia tah min Satanas coshiyah qui hihquibo

²⁰Xobon sca Jesus cahi. Hahquirihbi tsamajaquetaiboya piti hahtipahyamascaquin.

²¹Jascascai nincacax jaa bichi sca jahuen jenabo cahi. —Tehquehih sca ta jaiqui —hihxon jaa bichi bocani.

²²Jerusalen janinhax jahuex huishani joi honanbo rihbi yohuani: —Tiroma yoshin hapon yanapana ta tiroma yoshin picohihqui. Beelcebunen ta jaa hihbojascaiqui —hihcani.

²³Jascahiton: —Benahue —jato jaquin. Jahuiboya sca jaa patax queha joibo sca jato yohiquin: —¿Jenquetsahaxon Satanasnen Satanas picotihiquin?

²⁴Huesti mai mehax jaabo rahsibi rehtenananax ta queyoscatihiqui.

²⁵Huesti xobo mehabo jaabo rahsibi rehtenananax ta jaabo queyoscatihiqui.

²⁶Satanas hahbe Satanas betan rehtehahax cahen jaabo queyoscaan, hahri queyocani.

²⁷Coshi jonin xoboho ta tsoabi yometsohti hihcoti hahtipahyamahiqui, hihbo nexayamahax. Hihbo nexaxon pari ta jahuen jahuaborabo bichintihiqui, jatihibi queyobahinnoxon.

²⁸Yohicoin ta hen mato jai: jatihibi hohcha ta jonibo sohuatihiqui. Papa qui tiromahi yohuanaibo rahsi rihbi ta sohuatihiqui.

²⁹Jascapahbo sohuaxon bi ta Dios Yoshin qui tiromahi yohuanaibo Papan jahuentianbi sohuatimahiqui. Jascapa hohcha ta jascabihi sca banetihiqui —jato jaquin.

³⁰Jaa ta tiroma yoshinyahpa qui jaabo jai copi cahen jato jascajaquin. Jesusen mama betan jahuen huetsabo

³¹Jahuen mama betan jahuen huetsabo sca nocoti. Jemanhihti janin nihxon Jesus quenamacanquin.

³²Tsamajaquetax tsahotaibaan sca yohixonquin: —Miin mamaya miin huetsabo ta jeman qui. Mia ta quenamacaniqui —hahcanquin.

³³Jaan sca joi bichinquin: —¿Tsoa heen mama quin? ¿Tsoa heen huetsabo quin? —hahquin.

³⁴Tsahohahtancahuanaibo bejispaquexon sca: —Neabo ta heen mama heen huetsabo qui.

³⁵Papa queenai quescajanicahbo ta heen huetsa, heen choca, heen mama qui —jato jaquin.