Read Capanahua Lucas 17 Bible Online

Lucas 17 - Capanahua bible

Lucas 17

¹Jascajaxon jato yohirihbiquin: —Hahan hohchati shinanya ta jotihiqui. Man jaa jotimajati hahtipahyamahi bi ta jaa jomahi joni hihti sai saihihyaxihquiqui, casticannah.

²Hohchati shinan hinanyamanon macan renti tenexxon jenenencanya potahah cahen hashoan siriquehahni.

³Coiramenahue. Miin huetsa hohchataiya pontejaquin yohihue. Shinanquin sirijahiya sca sirijaquin yohuanquihnhue.

⁴Mia tiromajaxon bi Hen tah hen tiromajahahqui, huetsan. Pontejaquin sca tah hen shinanai mia jaah tah min sirijaquin yohuanquihntihi, jan mihqui tiromahah tah min shinanyamascatihi. Huesti neten mia siete coti jascajaha bi tah min hahxontihi —jato jaquin. Nincacointi shinan

⁵Jascahah: —Hahan nincacointi shinan noque hashoan hichajaxonhue, Hihbon —hahcanquin.

⁶—Moxo berotihopa shinan pishcayahpaxon man nea huishtinanti jihui yohixon Mexecahinax hian janin cayacahintanhue man jaah cah man yohihah quesca sca jaquehahni. Noquen Hihbo non hahxoncointi

⁷Patoroboxon man yonohah, maton joni huai chian teebahinahax jascayamaxon maton hinabo pimaxonax xobon sca jahuiton sca man Johue, mapexon piresscahue ¿hah man jatihin?

⁸Hea pitijaxoni sca johue, hahqui mehca mehcaxon hea bexonhue, hen pixon xehanon. Jascajaxon pari mian sca Pinoxahnhue, xehanoxahnhue, ¿hah man patoroboxon jatimahin?

⁹Man yonoha jan hahcaiya, Hahxon tah min hea jai, ¿hah man jatihin?

¹⁰Maton jonin mato hahxonai quescajaribiquin maton Hihbo hahxonnahue. Maton hihbaan mato yohiha jatihibi hahcax Noque tah non tiromabo teexonnicahbo qui. Jan noque yohihah res tah non hahcai, hihnahue —jato jaquin. Diez sipiyahpabo Jesusen rohajahi

¹¹Jaatian sca Jerusalen janin sca cahi cahi. Galilea mai senenbi cahi, samaritanobaan mai quetanpaquebahini cahi.

¹²Jaton jema huesti qui nocoxon sca sipiyahpabo jahuibo behchiquin. Diez joni, sipiyahpabo rahsi. Jesus merahax, hocho nihxon coshin quenacanquin:

¹³—¡Maestron, Jesusen, noquehon shinanrohahue! —hahcanquin.

¹⁴Jato jisxon: —Man rohahi sacerdotenin jisnon jismatannahue —jato jaquin. Jascahah boresscacani. Bahin caquin jisi bi jaton sipi rohacahinscai.

¹⁵Rohahipibo bi huesti res joribihi. —Papan ta hea hihti hahxonihqui —hihonahi jahui. Nincacahbo hihquish coshin yohuani.

¹⁶Jesus qui nocoxon sca hahqui betihihpaquexon: —Hihti hahxon tah min hea jai, Hihbon —hahquin. Jaa joni cahen samaritano.

¹⁷—¿Rohascaibo diez hihyamahipishquin? ¿Texe cahran?

¹⁸¿Caibo jononma nea nahua huesti Hahxon tah min hea jai, Papan hihonahi jahuiquin? —hahscaquin Jesusen.

¹⁹Jascajaxon jaa yohiquin: —Huenitax caresscatanhue. Hihcoinjaquin shina nax copi tah min siri sca jai —hahquin. Hihbo joti hochomahiya jayaxihquibo

²⁰Jaa pecaho sca ta fariseobaan yocannishqui: —¿Papan jihuemati jahuentian jotihiquin? —hahcanquin. Yocacahbo sca: —Papan jihuemati ta jistimahiqui. Maton beron tah man jaa jistimahi.

²¹Neabi tah qui, Hoa tah qui hih tah man jatimaribihi. Papan ta mato tocanxon mato jihuematihiqui.

²²Fariseobo jascajaxon jahuen haxetibo sca yohiquin: —Huetsa tian tah man Noquen Hihbo noque betan hihpahinon, huesti nete pishca res jan hahquirihbi noque betan nihpahinon, hih tah man jayaxihqui. Hea jiscatsihxon bi tah man hea jisyamayaxihqui.

²³Hoa tah qui hihyamahax ta Neno tah qui hihyaxihcanihqui. Jascahahbo bi jano yohihibo janin boyamayaxahnahue. Jato chibanyamayaxahnahue.

²⁴Naihoh ramihoh quehax ramihoh queha cana bacatanicamahi ta hea naihoh quehax jahuiya jatihiqui.

²⁵Jascayahnoxon pari tah hen hicha teneti jai. Hea queenyamahax ta mai mehabo hea yohihi, Tiroma tah qui hihtihiqui.

²⁶Neateman Noen jihueni tian japahoni quescarihbihi ta jayaxihcanihqui hea naihoh quehax hahquirihbi joresscanon.

²⁷Jaatian ta pixon xehacanpahonishqui. Bebobaan haibo bihquin. Haibobaan rihbi bebo bihquin, jahuen xobo nontin Noen nanenon caman. Jaatian ta jenehhuahnen joxon jato queyonishqui.

²⁸Lot jihueni tian janíbo quescarihbihi ta jayaxihcanihqui. Picanquin, xehacanquin, marocanquin, maromacanquin, huaijacanquin, xobojacanquin.

²⁹Sodon jema janinhax Lot picotai betanbi ta naihoh quehax johuehihnacahinai chihi jato qui paquetah queyocahincannishqui, sodomobo.

³⁰Jascarihbihi ta jayaxihquiqui, naihoh quehax hea noquebaque sanarenenaiya.

³¹Jaatian maton xobo cahchian tsahoxon bi maton xobo chicho jai jahuaborabo bichi cati shinanyamanahue. Huai chian teetax jascarihbihi, xobon cayamascai.

³²Loton haibo hihni shinannahue.

³³Noque rehtecanmis hihxon hea hihbomayamahibo ta queyocahinyaxihquiqui. Hea jenebahinyamahibo ta rehtehah bi jihuecoinyaxihquiqui.

³⁴Jaa yamebi huesti bachiho rabe joni hoxahi bi tah hen huetsa bihxon huetsa rihbi hean jenebahinyaxihqui.

³⁵Rabexon rene renehiboya tah hen huetsa bihxon huetsa rihbi hen potabahinyaxihqui.

³⁶Huai chian teetaibo jascajaribiquin. Huetsa bihxon bi huetsa jenebahinquin.

³⁷Jato jascajaha: —¿Jahuerahonon nan, Hihbon? —hahscacanquin. —Jano nami racatai bi ta hishmin tsinquitihiqui —jato jaquin.