Read Capanahua Jayaxihquibo 5 Bible Online

Jayaxihquibo 5 - Capanahua bible

Jayaxihquibo 5

¹Hen jisribiha bi Papa Dios quiricayahpa qui, jahuen mecayaho mequeman jan xecohah. Jahuen quirica cahen chicho huisha janon ramiho huisha jaribihi. Huishaxon xehpoxon boipan besmiha quirica, siete boi toncon taxnahah.

²Hen jisí bi hihti coshi jahuen yonoti coshin bi res yohuani: —¿Tsoan jaa quirica quehpenti hahtipahiquin? ¿Tsoan jahuen boi pasqueti hahtipahiquin? —hihqui.

³Jan quenahah bi tsoanbi jaa quirica quehpenti hahtipahyamaquin. Naihoh jaibaanbi, main jaibaanbi, mai chicho jaibaanbi, tsoabi jaa quirica jisnica yamahi.

⁴Tsoanbi jaa quirica quehpentimahiya tah hen huaohihquipiqui, tsoanbi jaa jisti yamahiya, huaohihscai, hicha.

⁵—Huaohihyamahue. Judá baquebo hihxon ta Davidin xohtan noquen rahuibo namanjapaquexon jaa boi pasquexon jahuen quirica quehpenti hahtipahiqui —huesti yononicaton hea jaquin.

⁶Jaatian hen jisí bi jaton tsahoti tocan huesti carnero nichi, nacoxon rehtehah quescapa. Jaa mayahahtancahuanai cahen jaa yonoxonnicahboya hoa chosco noyanica yoshinbo. Jaa carnero cahen siete machanyahpahi, siete beroyahparihbihi. Jahuen siete bero ta Papan siete yoshinbo qui, jatihibi mai janin raanti jahuen yoshinbo.

⁷Papa qui caxon sca jan xecohi quirica jaa carneronen bihquin.

⁸Jahuen quirica jan bichiya cahen hoa chosco noyanica yoshinbo raboxonen nichish jaa carnero qui betíhihpaqueti. Hoa veinticuatro yonoxonnicahbo rihbi jascarih. Hahan chimati arpayahpabo rahsi hihxon chimacanquin. Jaton oro tasonbo rihbi xecohax, raboxonen nihcani, hahan hininti jaton tason bochohi. Jaa hahan hininti cohini ta nincacoinaibaan joibo qui, Papa Dios yocacaibo.

⁹Behua behna sca behuacani.Mian tah min jaa quirica bihti hahtipahi.Bihxon tah min quehpentihi.Papa Dios bihxonquin tah min miin jimin jatihibi janinhahbo jonibo bihniqui.Jatihibi joiyahpabo, jatihibi huaca quiha, jatihibi mai quiha tah min jonibo bihniqui,miin jimin copijaquin.

¹⁰Min tah min jato janenihqui, Papan jihuetahbo jaabo janon, jaa bebonxon yohuanxonnicahbo jaahbo.Mainxon ta jano jaibo yonoxonyaxihcanihqui, Papa Dios hahxonquin hihcani, behuahi.

¹¹Hen jisribiha bi tsama bi res Papan yonotibo sca jahuen quiquin jati mayahahtancahuani. Jaabo hichabiresax behuahi sca hean nincaquin. Papa betan jahuen noyanica yoshinbo naponbi hihnon, jahuen yonoxonnicahbo rihbi jano hihnon, jaya mayahahtancahuanax Papan yonotibo behuahi. Topontimabiresi jaabo tsama bi res tsama.

¹²Naconihbo ta Papan carnero qui.Hihti siri hihbo,coshi hihbo,jatihibi jahuabora hihbo,honan hihbo,yonotibo hihbo,shinan hihbo,xaba hihbo,hahqui behuati hihbo siri hihcani, coshin bi res.

¹³Naihoh jai jatihibichin jato nincanon, main jai jatihibichin nincarihbinon, mai chicho jai jatihibichin nincarihbinon, quebíjistima hiaman cahibaan nincarihbinon, jeneho cahibaan rihbi jatihixonbi nincacanquin. Nincacax:Jahuen jati janinxon noque jihuemahi ta hihti siri qui,jahuen carnero ta hihti siri qui.Jaabo rabe ta shinan hihbo qui, xaba hihbo,jatihibi yonoti hihbo.Jascabi sca quiquin hihbo tah qui hihcani, behuahibo nincacax.

¹⁴Jaabo jascaraiya, hoa chosco noyanica yoshin sca: —Jascari rahan —hihqui. Jaabo jascanon sca jahuen yonoxonnicahbo raboxonen nichish quiquin Hihbo qui betihihpaquecani.