Read Capanahua Jayaxihquibo 7 Bible Online

Jayaxihquibo 7 - Capanahua bible

Jayaxihquibo 7

¹Jaa pecaho sca hen jisí bi chosco yonoti jai, Papan yonotibo. Cahchinancahini cahibo. Huetsa cahen reboqui cahi, huetsa cahen chiponqui, huetsa cahen cahchiho, huetsa cahen ramiho. Jano nihxon sca jahuenbihax nihue joyamascanon nihue pantecanquin. Hian janin xoó hihyamascanon, main xoó hihyamascanon, nihi rihbi xoopan xayanyamascanon nihue pantecanquin.

²Maiboya quebíjistima hianbo tiromajati carneronen jato yohihah cahen maiya hianbo tiromajati jaabaan hahtipahquin. Jaatian hen jisí bi bari cainai quirihax huetsa yonoti sca sanarenenex jaonahi. Jayaxon huishaxon honantijati xecobenahax, jahuen hahbe chosco yonotibaan nincanon coshin bi res nincati yohuani:

³—Jaton bemanan qui non noquen Papa Diosen jonibo honantijanon caman mai tiromajayamanahue; hianbo, nihi rihbi tiromajayamapariquin —hahquin.

⁴Jaatian hen nincacah bi jahuentihi non honantijahin hihxon toponah ca ciento cuarenta y cuatro mil honantiyahpabo jai, Israeli baque tihibichina doce mil jonibo.

⁵Judábo cahen doce mil honantiyahpabo. Rubenbo cahen doce mil, Gadabo cahen doce mil,

⁶Aserbo cahen doce mil, Neftalibo cahen doce mil, Manasésbo cahen doce mil,

⁷Simeonbo cahen doce mil, Levíbo cahen doce mil, Isacarabo cahen doce mil,

⁸Zabulonbo cahen doce mil, Josébo cahen doce mil, Benjaminbo cahen doce mil. Joxo chopayahpabo

⁹Toponaibo nincaxon hen jisí bi tsamá jonibo sca jai, hihti caibo, tsoan toponquin queyonihma. Jatihibi mai mehabo, jatihibi jonibaanahbo, jatihibi huean mehabo, jatihibi joiyahpabo. Noquen Papa Dios bebon nichibo sca, jahuen carnero bebon nichibo. Joxo chopa sahuehibo rahsi. Jepe pehi xecohibo rahsi.

¹⁰Coshin bi res quenacani:Jatihibi hihbohi ta noque jihuemanicah qui,jahuen carnero rihbi ta noque jihuemanicah qui hihcani.

¹¹Papan yonotibo sca jahuex, Papa Dios, jahuen yonoxonnicahbo, jahuen noyanica yoshinbo, hahqui mayahahtancahuanxon raboxonen nichish jahuen yonotibo jatihibi Papa Dios qui betihihpaquecani.

¹²Betihihpaquetax:Hihcoini. Jascabihi hihti shinanyahpa tah min qui, Papan.Xaba Hihbo tah min qui, Shinan Hihbo.Noque quiquin hahxonnica. Siri shinanyahpa.Coshi shinanyahpa.Jatihibi Hihbo tah min qui, jascabihi, queyotimahi.Jascari rahan hihcani.

¹³Jascaraiboya huesti yonoxonnicahton sca hea yocaquin: —¿Nea joxo chopayahpabo tsoabo hin? ¿Jahuerahnohahbo hin?

¹⁴—Mian caya tah min honanai, hapon —hahquin hean. —Nea ta hihti tiromabo netebo huinoquihrani jahuibo qui. Jaton chopa Papan carneronen jimin chocaxon joxojahibo ta qui.

¹⁵Jaa copi ta Papa Dios bebon nihti hahtipahcanihqui. Jahuen xobohoxon ta jaabaan jaa yocati hahtipahiqui, bariyahpan, yame rihbi. Papa Diosen ta jato jihuequihnyaxihquiqui.

¹⁶Jahuabi ta pitin pahiyamascanoxihcanihqui. Xehatinin pahiyamascai. Bari teneyamascaquin. Jahuabi xana teneyamascaquin.

¹⁷Janoxon Papan yonohi janinxon ta jahuen carneronen jato coirannoxihquiqui. Hahan jihueti noabo janin xehahahbo ta hionox manatihqui. Papan jato hahxonah ta jahuabi benayamascanoxihcanihqui.