Read Car_Nicobarese Ranehlö 5 Bible Online

Ranehlö 5 - Car_Nicobarese bible

Ranehlö 5

¹Līpöre tumkölchap Ātöm ön ngih, Im sakāmö hē tī ngam Tēv nö vī tarik, sā Tēv tī Anga-aṅ nö vīlen ò;

²Vīlen cha Angā-aṅ nö kikōnyö, kikānö inrē; ngaich hakôlò cha, ngaich kaheuk minë-eny cha nö Ātöm ik sakāmö hēcha nö vī-i.

³Hēngòng lūöi anāi samyeūheu Ātöm, ngaich hakūöntö nyīö kikōnyö nö tösā ò nö insāten tö ò; ngaich kaheuk minënyö ò nö Set:

⁴Ngaich nuk sakāmö Ātöm unôichrit ò nö hakūönten Set nö hëvhöre ṙòng samyeūheu: ngaich angā-aṅ nö hakūöntö nyīö kikōnyö, kikānö inrē.

⁵Ngaich ṙòkhöre nuk sakāmö Ātöm nö aṅ nö machūötöre ṙòng lūöi anāi samyeūheu kapah ngaich angā-aṅ.

⁶Ngaich Set nö hēngòng taneui samyeūheu nö aṅ, ngaich hakūönten Ēnòs:

⁷Hëvhör ṙòng sat samyeūheu Set nö aṅ unôichrit ò nö hakūönten Ēnòs, ngaich hakūöntö nyīö kikōnyö, kikānö inrē:

⁸Ngaich ṙòkhöre nuk sakāmö Set nö aṅ nö machūötöre ṙòng nëtsīön samyeūheu: kapah ngaich angā-aṅ.

⁹Machūötör anāi samyeūheu ang Ēnòs nö aṅ, ngaich hakūönten Kēnan:

¹⁰Hëvhör ṙòng taneuisīön samyeūheu Ēnòs nö aṅ unôichrit ò nö hakūönten Kēnan, ngaich hakūöntö nyīö kikōnyö, kikānö inrē:

¹¹Ngaich ṙòkhöre nuk sakāmö Ēnòs nö machūötör ṙòng taneui samyeūheu: kapah ngaich anga-aṅ,

¹²Sat anāi samyeūheu Kēnan nö aṅ, ngaich hakūönten Mahalalīl:

¹³Hëvhör ṙòng fën anāi samyeūheu Kēnan nö aṅ, unôichrit ò nö hakūönten Mahalalīl, ngaich hakūöntö nyīö kikōnyö, kikānö inrē:

¹⁴Ngaich ṙòkhöre nuk sakāmö Kēnan nö machūötör ṙòng söm samyeūheu: kapah ngaich angā-aṅ.

¹⁵Tafūöl anāi taneui samyeūheu Mahalalīl nö aṅ, ngaich hakūönten Yaret:

¹⁶Hëvhör ṙòng lūöi anāi samyeūheu Mahalalīl nö aṅ unôichrit ò nö hakūönten Yaret, ngaich hakūöntö nyīö kikōnyö, kikānö inrē:

¹⁷Ngaich ṙòkhöre nuk sakāmö Mahalalīl nö hëvhör ṙòng machūötör anāi taneui samyeūheu: kapah ngaich angā-aṅ.

¹⁸Hēngòng tafūöl anāi nët samyeūheu Yaret nö aṅ, ngaich hakūönten Ēnòk:

¹⁹Hëvhör ṙòng samyeūheu Yaret nö aṅ unôichrit ò nö hakūönten Ēnòk; ngaich hakūöntö nyīö kikōnyö, kikānö inrē:

²⁰Ngaich ṙòkhöre nuk sakāmö Yaret nö machūötör ṙòng tafūöl anāi nët samyeūheu: kapah ngaich angā-aṅ.

²¹Tafūöl anāi taneui samyeūheu Ēnòk nö aṅ, ngaich hakūönten Metūsĕlā:

²²Ngaich Ēnòk nö hol ngam Tēv nö kiröönköre, lūöyòng samyeūheu angā-aṅ unôichrit ò nö hakūönten Metusĕlā, ngaich hakūöntö nyīö kikōnyö, kikānö inrē:

²³Ngaich ṙòkhöre nuk sakāmö Ēnòk nö lūöyòng tafūöl anāi taneui samyeūheu:

²⁴Ngaich Ēnòk nö hol ngam Tēv nö kiröönköre: ngaich rö-övö angā-aṅ; pò ngam Tēv nö kēḵ an.

²⁵Hēngòng hëvhör anāi sat samyeūheu Metūsĕlā nö aṅ, ngaich hakūönten Lamek:

²⁶Sātòng hëvhör anāi nët samyūheu Metūsĕlā nö aṅ unôichrit ò nö hakūöntö nyīö kikōnyö, kikānö inrē:

²⁷Ngaich ṙòkhöre nuk sakāmö Metūsĕlā nö machūötör ṙòng tafūöl anāi machūötöre samyeūheu: kapah ngaich angā-aṅ.

²⁸Hēngòng hëvhör anāi nët samyeūheu Lamek nö aṅ, ngaich hakūöntö nyīö kikōnyö:

²⁹Ngaich kaheuk minë-eny ò angā-aṅ nö Nō-a, nö ngöṙô, Angā-aṅ an min mahaṙamlōn hā i la-en hā ane inrē i në ṙanëyö la-en në kunti hā, kūö ngam tumlat, ngam törūtiṙen töngam Mā Tēv.

³⁰Taneūyòng machūötör anāi taneui samyeūheu Lamek nö aṅ unôichrit ò nö hakūönten Nō-a, ngaich hakūöntö nyīö kikōnyö kikānö inrē:

³¹Ngaich ṙòkhöre nuk sakāmö Lamek nö sātòng sat anāi sat samyeūheu: kapah ngaich angā-aṅ.

³²Taneūyòng samyeūheu kanöinyö ngaich Nō-a: ngaich hakūönten Sem, Hem, Yafet inrē, ang Nō-a.