Read Car_Nicobarese 1 KINṘÖTNGÖ 24 Bible Online

1 KINṘÖTNGÖ 24 - Car_Nicobarese bible

1 KINṘÖTNGÖ 24

¹Në nun minchöö-ö yik kikōnyö kūön Āròn. Kikōnyö kūön Āròn: Nātap, Āpīhū, Ēliasar, Itamār inrē.

²Kapah pöri Nātap Apihū inrē nö urēhĕkūö ök yöng cha kikōnyö, nö öt kūönu, lökten Ēliasar Itamār inrē nö kūönṙô.

³Nö holṙen ten Satòk aṅ in yip kikōnyö kūön Ēliasar, Ahīmëlek inrē aṅ in yik kikōnyö kūön Itamār, halēnö cha ang Tēvit nö sā nup la-en cha nö im la-en.

⁴Pòn kôti nö pōiyen yöng kūö tarik nö in yik kikōnyö kūön Ēliasār nö mötlö tö aṅ in yik kikōnyö kūön Itāmar, halēnö cha acha-a nö el katòh tö tafūöl sīön tak yöng kūö nuk patī yik kikōnyö kūön Ēliasar, hëvhör tak inrē aṅ in yik kikōnyö kūön Itamar.

⁵Halēnö cha acha-a nö hukatölhölö, hĕngren nö ṙòkhöre, pòn mākūö ngam töhet chūök yik umuh ngaich mā kūö aṅ im Tēv aṅ in cha nö nëtre tö yip kikōnyö kūön Ēliasār tö yik kikōnyö inrē kūön Itamar.

⁶Ngaich ök kamūich Sīmayā ök kikōnyö kūön Natanĕl, ök Lēvī nö kaṙötngen cha nö i kūö ök rācha, i kūö yik kūön rācha, i kūö Satòk ök kūönṙô, i kūö Ahīmëlek ök kikōnyö kūön Apiātar tö yik yöng kūö nuk patī yik yöng yik kūönṙô tö aṅ patī yik Lēvi inrē; hĕng tökatöllöng aṅ patī yöng Ēliasar hĕng inrē tökatöllöng in Itamar.

⁷Fuk in Yahōyarip ök raneh kintöllö, in Yētiya ök innëtö,

⁸In Harim ök linūöyö, in Sī-orim ök finënö,

⁹In Malkiyā ök tinneūiyö, in Miyamin ök tinfūölö,

¹⁰In Hakòs ök sinātö, in Apīyā ök hinëvhöre,

¹¹In Yēsu ök minchötöre, in Sikēniya ök sinöömö,

¹²In Ēliasiip ök kinhuksīönö, in Yakim ök innëtsīönö,

¹³In Hūpah ök linūöi sīönö, in Yesīpe-ap ök finën sīönö,

¹⁴In Pilkah ök tinneui sīönö, in Imer ök tinfūöl sīönö,

¹⁵In Hësīr ök sinat siönö, in Happisses ök hinëvhöre sīönö,

¹⁶In Petahiyā ök minchūötör sīönö, in Yaheskel ök in nëtanāi,

¹⁷In Yakin ök innët anāi kahuk, in kamul ök innët anāi nët,

¹⁸In Tilāya ök innët anāi lūöi, in Ma-asīyā ök in nët anāi fën.

¹⁹Acha-a yin vē tö halēn löng la-en nö in nuk la-en cha nö yih nö el ngam patī ngam Mā Tēv sā ök chöngö tö haköpi nö in cha tö Āròn ök yöng cha kikōnyö, sa tinöölô ò, tö ngam Mā Tēv Israĕl.

²⁰Ngaich yik kikōnyö chööḵṙen kūön Lēvī: aṅ in yik kikōnyö kūön Amram, Sup-e, Yētiyā.

²¹Aṅ in Rēhapiya: aṅ in yik kikōnyö kūön Rēhapiya, Issiyā ök yöng kūö.

²²Aṅ in yik Ishār, Sēlomòt; aṅ in yik kikōnyö kūön Sēlomòt, Yahat.

²³Yik kikōnyö kūön Hepròn: Yëriyā ök yöng kūö, Amariyā innëtö, Yahasī-el linūöyö, Yekame-am finënö.

²⁴Yik kikōnyö kūön Usī-el, Maika; aṅ in yik kikōnyö kūön Maika Samīr.

²⁵Hol maneuk Maika, Isīyā; aṅ yik kikōnyö kūön Isīyā, Sakariyā.

²⁶Kikōnyö kūön Merārī; Mahli, Musī inrē. Kikōnyö kūön Ya-asiya: Pennō.

²⁷Kikōnyö kūön Merāri: aṅ in Ya-asīya, Pennō, Soham, Sākör, Ipri inrē.

²⁸Aṅ in Mahli; Ēliasar ök tötkūönu tö kikōnyö.

²⁹Aṅ in Kis, kikōnyö kūön Kis: Yērahmīl.

³⁰Kikōnyö kūön Musī: Mahli, Ēter, Yerimòt inrē. Cha-a yin vē kikōnyö kūön yik Lēvī nö asā patī yik yöng cha.

³¹Vē inrē yöng kūö töhĕng patī yik yöng cha tö yik ṙālö hol maneuk cha, kamtölhölö, nö sā yik mak alaha cha kikōnyö kūön Āròn, nö i kūö ök rācha Tāvit, Satòk, Ahimelek, tö yik yöng kūö patī yik kūönṙô inrē tö yik Lēvi inrē.