Read Car_Nicobarese 1 KINṘÖTNGÖ 25 Bible Online

1 KINṘÖTNGÖ 25 - Car_Nicobarese bible

1 KINṘÖTNGÖ 25

¹Tāvit tö yik yöng kūö la-en inrē nö haköhngen yik rīkre kikōnyö kūön Asaf nö im la-en, tö Heman, Yētutun, mi-iṙô līör nö vë-eny mu-unôich, holtö hārp, simpòl inrē. Ngih öng yih kinṙeuklö cha yik tö la-evṙen nö i la-enre:

²Aṅ in yik kikōnyö kūön Asaf: Sākör, Yôsĕf, Netaniya, Asarēlah inrē, Kikōnyö kūön Asaf, el katòh chöngö Asaf, yik vamë-eny mu-unôich nö el katòh chöngö ök rācha.

³Aṅ in Yētutun, kikōnyö kūön Yētutun Kētaliya, Sëri, Yësayā, Sīmë-i, Hasapiya, Matitiyā inrē, tafūöl tak, el katòh chöngö ök yöng cha Yētutun, ök vamë-eny mu-unôich nö holṙô tö līör i nöinytötī nöönyö ngam Mā Tēv inrē.

⁴Aṅ in Heman, kikōnyö kūön Heman: Pukiyā, Matanīyā, Usī-el, Sipu-el, Yerimòt inrē Hananiyā, Hananī, Ēliatah, Kītaltī, Romamtī-ēsör inrē, Yôspēkāsa, Mallōti, Hōtir, Mahasī-ōt.

⁵Ṙòkhöre yin vē kikōnyö kūön Hēman nö maneuk nö im rācha, sā ngam kinlēḵngô aṅ im Tēv nö hapōīlen ò; pò ngam Tēv nö kē-ĕ kūö Hēman tö töfën sīön tak kikōnyö kūön ò, lūöi tak inrē kikānö.

⁶Ṙòkhöre cha-a nö el katòh chöngö ök yöng cha kikōnyö nö i ëlö tinkökö nö el patī ngam Mā Tēv nö holṙô tö simpòl, hārp, līör nö i vinë-ekūötēv el patī ngam Tēv. Asaf, Yētutun, Heman inrē nö el katòh chöngö ngam rācha.

⁷Nëtòng hëvhöv anāi hëvhöre tum tak yik tö kaheuklöng in cha nö holre tö yik mak alaha cha, yik töharūnö nö tikökṙôre nö im Mā Tēv, ṙòkhöre nö töhuveū-en.

⁸Ngaich cha-a nö katöllöng nö i nuk la-en cha, tökūöṅnö tökiröng inrē, mahaköphöti, mahaköp inrē.

⁹Fuk in Asaf ök raneh kintölhölö nö löö in Yôsĕf; in Kētaliyā ök innëtö, in ò tö yik mak alaha ò tö yik kikōnyö kūön ò inrē, nët sīön tak;

¹⁰In Sākör ök linūöyö, yik kūön ò kikōnyö tö yik mak alaha ò inrē nët sīön tak;

¹¹In Isri ök finënö, yik kūön ò kikōnyö tö yik mak alaha ò inrē, nët sīön tak;

¹²In Nëtanīnya ök tinneūyö, yik kūön ò kikōnyö tö yik mak alaha ò inrē, nët sīön tak;

¹³In Pūkiya ök tinfūölö, yik kūön ò kikōnyö tö yik mak alaha ò inrē, nët sīön tak.

¹⁴In Yesarēla ök sinātö, yik kūön ò kikōnyö tö yik mak alaha ò inrē, nët sīön tak;

¹⁵In Yesayā ök hinëvhöre, yik kūön ò kikōnyö tö yik mak alaha ò inrē, nët sīön tak;

¹⁶In Mataniya ök minchūötöre, yik kūön ò kikōnyö tö yik mak alaha ò inrē, nët sīön tak;

¹⁷In Sīme-i ök sinömö, yik kūön ò kikōnyö tö yik mak alaha ò inrē, nët sīön tak;

¹⁸In Asarel ök kinhuk sīönö, yik kūön ò kikōnyö tö yik mak alaha ò inrē, nët sīön tak;

¹⁹In Hasapiya, ök innët sīön, yik kūön ò kikōnyö tö yik mak alaha ò inrē, nët sīön tak;

²⁰In Supa-el, ök linūöi sīönö, yik kūön ò kikōnyö tö yik mak alaha ò inrē, nö sīön tak;

²¹In Matitiya, ök finën sīönö, yik kūön ò kikōnyö tö yik mak alaha ò inrē, nët sīön tak;

²²In Yërimòt, ök tinneui sīönö, yik kikōnyö kūön ò tö yik mak alaha ò inrē, nët sīön tak;

²³In Hananiyā, ök tinfūöl sīönö, yik kikōnyö kūön, tö yik mak alaha ò inrē, nët sīön tak;

²⁴In Yôspēkasā, ök sinat sīönö, yik kūön ò kikōnyö tö yik mak alaha ò inrē, nët sīön tak;

²⁵In Hananī, ök hinëvhör sīönö, yik kūön ò kikōnyö tö yik mak alaha ò inrē, nët sīön tak;

²⁶In Malōti, ök minchūötör sīönö, yik kūön ò kikōnyö tö yik mak alaha ò inrē, nët sīön tak;

²⁷In Eliata, ök in nët anāi, yik kūön ò kikōnyö tö yik mak alaha ò inrē, nët sīön tak;

²⁸In Hōtīr, ök innët anāi kahuk yik kūön ò kikōnyö tö yik mak alaha ò inrē, nët sīön tak;

²⁹In Kitalti, ök innët anāi nët yik kūön ò kikōnyö tö yik mak alaha ò inrē, nët sīön tak;

³⁰In Mahasī-ōt, ök innët anāi lūöi, yik kūön ò kikōnyö tö yik mak alaha ò inrē, nët sīön tak;

³¹In Romamtī-esar, ök innët anāi fën, yik kikōnyö kūön ò tö yik mak alaha ò inrē, nët sīön tak.