Read Car_Nicobarese 1 KINṘÖTNGÖ 27 Bible Online

1 KINṘÖTNGÖ 27 - Car_Nicobarese bible

1 KINṘÖTNGÖ 27

¹Ngih ön ṙôken yik tarik Israĕl, yik yöng kūö patī yik yöng, tö chöngu nö i tököṅnyu tö ṙôngu inrē, tö yik mā kūö cha yik tö la-evṙen nö ik rācha i tökeuheūttöre minchööḵlö kumyung yik yamih-kiröönngöre inrē, nö kaheuk chingëṅt i töhĕng samyeūheu, ngih töhĕng minchööḵö ṙôken kumyung nët anāi fën köṅny:

²Yasopīm ök kikōnyö kūön Septiel yōm ök raneh minchööḵlö kumyung ik raneh chingëṅt; ik minchööḵö ò nët anāi fën köṅny yik kumyung.

³Lamökngörit Pērĕs ök anga-aṅ, yöng kūö yik töchöngu in yik kumyung ik raneh chingëṅt.

⁴Tōtai ök aṅ Ahoh yōm ök tömichööḵlöng kumyung ik innëtö chingëṅt; nët anāi fën köṅny yik in ò tömichööḵlöng kumyung.

⁵Linūöi tak töchöngu, im linūöyö chingëṅt ang Penāya, ök kikōnyö kūön Yēhōyata ök kūönṙô, nö yöng kūö; nët anāi fën köṅny yik in ò tömichööḵlöng kumyung.

⁶Anga-aṅ an ngòh Penāya tö kalēḵ nö tarik aṅ in yik tölūöi anāi tö chöngu inrē nö in yik tölūöi anāi; Ammisapat ök kikōnyö kūön ò yōm ök minchööḵö ò kumyung.

⁷Finënö ök Asahel ök kahëm Yô-ap, im finënö chingëṅt, ök kikōnyö kūön ò inrē Sapatīyā unôichrit ò; nët anāi fën köṅny yik tömichöölöng in ò kumyung.

⁸Tinneūyö töchöngu, im tinneūyö chingëṅt, ang Samhut, aṅ Israh; nët anāi fën köṅny yik in ò tö michööḵlöng kumyung.

⁹Tinfūölö, im tinfūölö chingëṅt, ang Ira, kikōnyö kūön Ikkes aṅ Tēkö; nët anāi fën köṅny yik tömichööḵlöng in ò kumyung.

¹⁰Sinātö, im sinātö chingëṅt, ang Hēles aṅ Pēlòn, aṅ in yik kikōnyö kūön Ifrēm, nët anāi fën köṅny yik tömichööḵlöng in ò kumyung.

¹¹Hinëvhöre, im hinëvhöre chinngëṅt, ang Sipēkai aṅ Husat, ök aṅ, Sëra; nët anāi fën köṅny yik in ò tö michööḵlöng kumyung.

¹²Minchūötöre, im minchūötöre chingëṅt, ang Apī-esar aṅ Anatòt, aṅ Penyamin; nët anāi fën köṅny yik in ò tö michööḵlöng kumyung.

¹³Sinömö, im sinömö chingëṅt, ang Maharai aṅ Nëtofah, i Sëra; nët anāi fën köṅny yik in ò tö michööḵlöng kumyung.

¹⁴Kinhuksīön, im kinhuk sīönö chingëṅt, ang Penāya aṅ Pisatòn, aṅ in yik in ò tömichööḵlöng kumyung.

¹⁵Innët sīönö im in nët sīönö chingëṅt, ang Heltai ök aṅ Nëtōfah aṅ in Otni-ĕl; nët anāi fën köṅny yik in ò tömichööḵlöng kumyung.

¹⁶I kui miyöngö yik aṅ Israĕl, in yik Rūpön ang Ēliesar ök kikōnyö kūön Sikrī nö yöngkūö; in yip Sīmōn, ang Safatīya kikōnyö kūön Ma-akaha;

¹⁷In Lēvī, Hasapīya ök kikōnyö kūön Kēmuel; in Āròn, ang Satòk;

¹⁸In Yūtā, ang Ēlihū, töhĕng tak aṅ in yik hol maneuk Tāvit; in Isakār, ang Omrī kikōnyö kūön Maiköl;

¹⁹In Sepulön, Ismāiya kikōnyö kūön Opĕtiyā; aṅ in Naftali, Yērimòt kikōnyö kūön Asriel;

²⁰Aṅ in yik Ifrēm, Hōsia kikōnyö kūön Asāsiya; aṅ in yik töròngtī miyöngö Manasē, Yô-ĕl ök kikōnyö kūön Pētaya;

²¹Aṅ in yip töṙòngti miyöngö Manasē i Kilīöt, Itō ök kikōnyö kūön Sakarīya; aṅ in Penyamin, Ya-asī-el ök kikōnyö kūön Apnör;

²²Aṅ in Tën Asarel ök kikōnyö kūön Yerōham, cha-a yin vē yöngkūö miyöngö Israĕl.

²³Öt kaheuktö yik tö lātaṙeū tö tö nët anāi samyeūheu ang Tāvit, pò ngam Mā Tēv nö kilēḵngôre nö vīlen Israĕl nö sā ṙôngö taneūsömat ngam halīöngö.

²⁴Rultöre ang Yô-ap ök kikōnyö kūön Serūya nö kaheuk, öt keuheūten pöri; ngaich kūö e nö sönen nö yih ngam lanīnö nö i kui Israĕl; ngaich ök ṙôken nö öt kūichhötvö nö i mat nup Kinṙötö ök Rācha Tāvit.

²⁵I kui nup chūök rupīö ök rācha ang Asmavet ök kikōnyö kūön Atī-el; i kui nup chūök rupīö inrē im panam, i nup el panam, i nup tuhēt i nup chūök chamônga inrē ang Yônatan kikōnyö kūön Usīyā;

²⁶Ngaich i kui cha yip tö la-evṙen nö el panô-òṅ nö hamul tumlat ang Esrī kikōnyö kūön Kelup:

²⁷I kui panô-òṅ vāin ang Sēmë-i aṅ Ramat; i kui nup ṙòng vāin i nup chūök vāin ang Saptī aṅ Sīfim.

²⁸I kui òliv, sikamôr chōn inrē i Safëla ang Pē-alhanan aṅ Katar; i kui chūök tavī-i ang Yô-as.

²⁹I kui töṙeūla nup nyama-aṅv kūö i Sarôm, ang Sitrai aṅ Sarôn; i kui töṙeūla el nup achāṙö ang Safat ök kikōnyö kūön Atlai.

³⁰I kui nuk ūṅt ang Ōpil aṅ Isma-el; i kui nup kan köttö ang Yatiya aṅ Mërōnòt. I kui nup tömūl pököre ang Yasis aṅ Hakār.

³¹Ṙòkhöre yin yē nö yōm inlānen ök rācha Tāvit.

³²Yônatan, kōiny yöng Tāvit mahalēn, pòn tarik tö-akaha el mat kamūich inrē; anga-aṅ Yehīel inrē ök kikōnyö kūön Hakmônī mahayōm yik kikōnyö kūön ök rācha.

³³Ahitōfel mahalēn ök rācha, hol ök rācha inrē ang Hūsai aṅ Arkait.

³⁴Ahitōfel ök töṙënnguṙen tö Yehōyatā ök kikōnyö kūön Pennāya, Apitātar inrē. Yô-ap ök töchöngu nö in yik kumyung in ök rācha.