Read Car_Nicobarese 1 KINṘÖTNGÖ 5 Bible Online

1 KINṘÖTNGÖ 5 - Car_Nicobarese bible

1 KINṘÖTNGÖ 5

¹Kikōnyö kūön Rūpön ök lanòh Israĕl (Pòn anga-aṅ lanòh; kūö ò pöri nö hachōichngö el chamam ök yöng re kikōnyö, ngaich ök minā-aṅ ök minṙöinylö ò nö kē-ĕyö nö in yik kikōnyö kūön Yôsĕf ök kikōnyö kūön Israĕl, lökten ò nö öt kaheuktu nö i lökngörit re nö sā finötnyö ò;

²Pòrô Yūtā nö tökalēḵ nö in yik holmaneukre nö kūön rācha nö lökngö in ò, ngaich pöri ök manā-aṅ nö finötnyö ò nö in Yôsĕf,)

³Kikōnyö kūön Rūpön ök lanòh Israĕl: Hēnòk, Pallū, Hesròn, Kārmi inrē.

⁴Kikōnyö kūön Yôĕl: Semayā, kikōnyö kūön ò, Kòk kikōnyö kūön ò, Simēī kikōnyö kūön ò,

⁵Maika kikōnyö kūön ò, Reayā kikōnyö kūön ò, Pēal kikōnyö kūön ò,

⁶Pēerāh kikōnyö kūön ò ök tökē-ĕyö tö Tilkātpilnesar ök rācha aṅ Sīria nö ahötiyö; anga-aṅ ök yöngkūö yik aṅ in Rūpön.

⁷Mak-alaha ò inrē nö löktökūö i mupīhö cha, hē kinṙeuklö löklörit ök tumkölchap cha: yöngkūö, Yēiĕl, Sakariā inrē,

⁸Pēlā inrē ök kikōnyö kūön Asas, kikōnyö kūön Sema kikōnyö kūön Yôĕl, ök mī-iyöng Arōer i tölngö Nēpō, Pēalmëòn inrē.

⁹Iyöng lā chuhöt inrē anga-aṅ ip tölngö ök kūö taköp ök tönyalnyi lā hih tö kaha Yūfratīs, pò nuk nuā cha nö ṙūölöre ṙôken nö ip panam Kīlīöt.

¹⁰Hē nuk sakāmö Sôl kiyung cha-a ngaich nö lā-al yik aṅ Hakar, yik famuk eltī cha; ngaich cha-a nö iyöng el rūkui cha nö keuheūtngöre chūök lā chuhöt Kilīöt.

¹¹Kikōnyö kūön Kāt kamlö nö iyöng nö in cha ip panam Pāsan tölngö Salëkah.

¹²Yôĕl yöngkūö, Sāfam innëtö, Yānai, Sāfat inrē i Pāsan.

¹³Mak alaha cha inrē nö tösā mitī-i patī yik yöng cha: Maiköl, Mēsūlam, Sīpā, Yôrai, Yākan, Siā, Ēpör inrē, sat tak.

¹⁴Vē yin kikōnyö kūön Apīhēl ök kikōnyö kūön Yarōa, kikōnyö kūön Killīöt, kikōnyö kūön Maiköl, kikōnyö kūön Yesisāi, kikōnyö kūön Yātō, kikōnyö kūön Pös,

¹⁵Ahī kikōnyö kūön Aptīĕl, kikōnyö kūön Kūni, nö yöngkūö në el patī yik yöng cha;

¹⁶Iyöng Kilīöt cha-a inrē, i Pāsan i nup elpanam u inrē, i nup chūök kiyôp panam inrē i Saròn ip tölngö kūö e.

¹⁷Ṙòkhöre yin cha-a vē nö kaheukhötvö lökngörit hē nup sakāmö Yôtam ök rācha aṅ Yūtā, hē nuk sakāmö Yērōpoām inrē ök rācha Israĕl.

¹⁸Vē Rūpön, Kāt, ròngti miyöngö Manasē töt pa-ekūö nö tarik, yik ṙamapkö lanaklö sanët inrē lumreny inrē töhuveū nö i kinyūngö, fën anāi fën köṅny sātòng tafūöl anāi, hamöng kinyūngö.

¹⁹Kiyung yik aṅ Hakār cha-a, Yētur, Nafis, Nōtap inrē;

²⁰Ngaich hē cha nö kē hol re nö lā-al cha, ngaich yik aṅ Hakār ṙòkhöre yik hol cha inrē nö kētu nö eltī cha, pò cha nö havëkö ngam Tēv nö im kinyūngö, ngaich anga-aṅ nö kē tö ök havëkö cha pò cha nö hayönglenre nö in ò.

²¹Ngaich cha-a nö kē nup tö-aṅ chehen cha: taneui anāi köṅny ūṅt, nëtòng taneui anāi köṅny sīṅp, nët köṅny köttö, hēngòng köṅny tö-aṅ tarik.

²²Pòn pōyen yik töfëliyö, pò ngam kinyūngö nö kinyūngö ngam Tēv. Ngaich cha-a nö iyöng i chūök cha hanöng saha ök inhötngö cha.

²³Iyöng im töròngtī miyöngö Manasē; pōyen cha-a nö ṙeū-eung Pāsan nö chuh Pēalharmòn, Sēnir Rôngö Harmòn inrē.

²⁴Vē yin yöng kūö patī yik yöng cha: Ēfer, Isī, Ēliĕl, Asriĕl, tökalēḵ kumyung tö-eūnyu nö tarik, yöngkūö patī yik yöng cha.

²⁵Köölöfālen pöri cha-a nö im Tēv yik yöng cha, nyamkö tö-inyihka kikōnyö inrē nö in yip tēv yik tarik aṅ ngam panam, yik töfëli tö ngam Tēv nö i kūö cha.

²⁶Lökten ngam Tēv Israĕl nö kēhĕt ellōn Pul ök mikahkūö tö Tilkātpilnesar minënyi rācha aṅ Asiriā, ngaich halaingen cha, hēḵ Rūpön, Kāt ròngtī miyöngö Manasē inrē, ngaich kēten cha nö i Hālah, Hēpôr, Hērā, ip tahël Kōsan inrē söl ing töngamuh.