Read Car_Nicobarese 1 KINṘÖTNGÖ 9 Bible Online

1 KINṘÖTNGÖ 9 - Car_Nicobarese bible

1 KINṘÖTNGÖ 9

¹Ṙòkhöre yik Israĕl nö kaheuklöng nö löktökūö lökngörit cha; ngaich anū-ö nö kūichiyö nö i mat Līpöre yik Rācha aṅ Israĕl. Kē-ĕyö ngaich Yūtā nö ahöti nö i Pĕpilön kūö cha nö ötkô-en.

²Vē yin mu-urĕh nö hēk nö iyöng kūö nuk amin cha elpanam cha nö aṅ Israĕl, yik kūönṙô, yik Lēvī, tö yik tarik ök tempöl inrē.

³Rīkre inrē yik tarik Yūtā, Penyamin, Ifrēm, Manasē inrē mī-iyöng Yērusalem:

⁴Utāi ök kikōnyö kūön Ammihöt, kikōnyö kūön Ōmri, kikōnyö kūön Imrī, kikōnyö kūön Pēnī, ṙameū-eung in yik kikōnyö kūön Pērĕs ök kikōnyö kūön Yūtā.

⁵Vē aṅ in Sīlon inrē: Asayā ök lanòh ò, nö kūön ò kikōnyö inrē.

⁶Aṅ in vē kikōnyö kūön Sērah: Yē-u-el yik mak alaha cha inrē, tafūölòng machūötör anāi.

⁷Aṅ in Penyamin: Sēlū ök kikōnyö kūön Mesulam, kikōnyö kūön Hotaviyā, kikōnyö kūön Hassenuāh,

⁸Ipnevā ök kikōnyö kūön Yerōham, Ēlah kikōnyö kūön Usī, kikōnyö kūön Mikrī, Mesulam inrē ök kikōnyö kūön Safātīya, kikōnyö kūön Rū-el, kikōnyö kūön Ipneyā;

⁹Yik mak alaha cha inrē sā tumköl chap cha machūötöre ṙòng taneui anāi tafūöl. Ṙòkhöre yin vē nö yöngkūö patī yik yöng nö sā mitī-i patī yik yöng cha.

¹⁰Aṅ in yik kūönṙô: Yētayā, Yēhōi-arip, Yākin,

¹¹Asariyā inrē ök kikōnyö kūön Hilkiyā, kikōnyö kūön Mesulam, kikōnyö kūön Sētòk, kikōnyö kūön Mërayòt, kikōnyö kūön Ahītöp, ök tökiröng yöngkūö patī ngam Tēv;

¹²Atayā inrē kikōnyö kūön Yērōham kikōnyö kūön Pasū, kikōnyö kūön Milkiyā, Mē-asai inrē kikōnyö kūön Ati-ĕl, kikōnyö kūön Yāhsera, kikōnyö kūön Mesulam, kikōnyö kūön Mesīlēmet, kikōnyö Immör;

¹³Holre tö yik mak alaha cha, yöngkūö patī yik yöng cha, hĕng köṅny sātòng tafūöl anāi, tökô nö tarik nö i la-en ngam patī ngam Tēv.

¹⁴Aṅ in yik Lēvī: Semayā ök kikōnyö kūön Hassöp, kikōnyö kūön Asrikam, kikōnyö kūön Hasapīyā, kikōnyö kūön Merārī;

¹⁵Pakpakar inrē, Hērĕs, Kālal, Matanīyā inrē ök kikōnyö kūön Maika, kikōnyö kūön Sīkrī, kikōnyö kūön Asaf;

¹⁶Opētīya inrē ök kikōnyö kūön Semayā, kikōnyö kūön Kālal, kikōnyö kūön Yētūtun, Perekiyā inrē ök kikōnyö kūön Asā, kikōnyö kūön Elkāna, yik mi-iyöng i tuhēt yik aṅ Nëtofāt.

¹⁷Vē yin yōmkūö inkūp, Sālum, Akkup, Talmön, Ahiman, yik mak alaha cha inrē (Sālum ök tökiröng kūö cha),

¹⁸Tösökhak nö i inkūp ök rācha nö lāchuhöt. Cha-a yin vē yōmkūö inkūp ök elyöngö yik Lēvī.

¹⁹Sālum ök kikōnyö kūön Kōri, kikōnyö kūön Epīyāsaf, kikōnyö kūön Kōra, tö yik mak alaha ò inrē aṅ patī yik yöng ò, yik Kōra, yōm ök la-en i vinë-eṅkūötēv, yōm ök elmilūkö ök rūkui, nö sā yik yöng cha nö yōm ök elyöngö ngam Mā Tēv, mahayōm öp lökhöt.

²⁰Finehas inrē ök kikōnyö kūön Ēlī-ēsör anga-aṅ ök mahayöngö cha tö misī-iten: holtöṙah ò an ngam Mā Tēv.

²¹Sekariyā ök kikōnyö kūön Meselemiyā ök yōmkūö lökhöt ök rūkui manūlö.

²²Ṙòkhöre vē, nö katöllöng nö yōm nuk elmilūkö, nö nëtòng nëtsīön tak. Kaheuklöng cha-a nö löktökūö lökngörit cha nö el tuhēt cha. Tāvit ane inrē Samuĕl ök mameuk ṙamāten cha nö el chūök nyanatlö.

²³Lökten cha-a tö yik kūön cha kikōnyö inrē nö hayōm nuk inkūp ngam patī ngam Mā Tēv, nö amahati.

²⁴Fën lā chūök yik yōm inkūp, chuhöt, sūng, kapā, lòhngö inrē.

²⁵Yik mak alaha cha inrē mī-iyöng el tuhēt cha yik kaheuk tösat sumkam, nö ṙētakvö nö in cha;

²⁶Yik töfën tak tökiröng yōmkūö inkūp, yik aṅ in yik Lēvi cha-a yōm nuk urôhò tö nuk töpōiṙāi chehen ngam Tēv.

²⁷Vinngö chūök cha-a nö iyöng im patī ngam Tēv; pòn i kui cha nö hakeunlöng ngam la-en inahati ngaich acha-a yōm linöpnyökūö e nö kaheuk peuheū.

²⁸Rēvre tö cha yōm nup chūökṙen kamhul, pòn hōtu cha-a nö kaheūkö u yĕn kēhĕt u yĕn kēnyö u inrē.

²⁹Yik tahëng in cha vīlöngö nö yōm nuk tanööngö, yōm nuk töfaṙëcha atra inrē, vāin, tavī-i tötahūsa, kunchiklö nyā-aṅkūö inrē.

³⁰Yik tahëng, aṅ in yik kikōnyö kūön yik kūönṙô, halēn kinlūöchö nuk kunchiklö nyā-aṅkūö,

³¹Matitīyā inrē, töhĕng tak aṅ in yik Lēvi, lanòh Sālum aṅ in yik Kōra, yōm vinī-i tömitāk rôti anga-aṅ.

³²Rīkre inrē yik mak alaha cha aṅ in yik Kōra nö yōm töhet rôti, kaheuk töhet sakāmö nö halēnö u.

³³Vē yin tumkökṙôre, vē yöngkūö patī yik yöng Lēvī, mi-iyöng el nuk urôhò ök tempöl öt tö tahëngu la-en, pò cha nö i la-enre tö sakāmö hatööm inrē.

³⁴Cha-a yin vē yöngkūö patī in Lēvi, nö asā tumkölchap cha, yöngṙen yin, nö mi-īyöng Yērusalem.

³⁵Iyöng Kīpīön ök kikōnyö yöng Kipīön, Yē-ī-el, Mē-akah inrē minënyö ök pīhö ò,

³⁶Aptön ök lanòh kūön ò kikōnyö, ngaich hēk Sūr, kis, Pē-al, Nör, Nātap,

³⁷Kītôr, Ahī-ö, Sakariyā, Miklòt inrē;

³⁸Miklòt ök inrē kikōnyö yöng Simë-am; ṙòkhöre inrē vē nö iyöng i Yērusalem nö havööhen höökūö tö yip mak alaha, nö holtö yik mak alaha cha.

³⁹Nö ök kikōnyö yöng Kis, Kis yöng Sôl, Sôl yöng Yônatan, Maikisuā, Apīnatap, Ispē-al inrē;

⁴⁰Kikōnyö kūön Yônatan Mēripē-al; Mēripē-al ök kikōnyö yöng Maika.

⁴¹Kikōnyö kūön Maika: Pitòn, Mēlek Tarë-a, Āhas inrē;

⁴²Āhas ök kikōnyö yöng Yërah, yöng Alemet ang Yërah inrē, Asmavet, Simrī inrē; Simrī ök kikōnyö yöng Môsā.

⁴³Môsā ök kikōnyö yöng Penë-a; Refāya inrē kūön ò kikōnyö, Eliasah kūön ò kikōnyö, Asel kūön ò kikōnyö.

⁴⁴Tafūöl maneuk kūön ök Asel tö kikōnyö, në nun minë-eny cha inrē: Asrikam, Pokērū Isma-ĕl Sē-arīyā, Opētīya, Hanan inrē Acha-a yin vē kikōnyö kūön Asel.