Read Car_Nicobarese 2 KINṘÖTNGÖ 5 Bible Online

2 KINṘÖTNGÖ 5 - Car_Nicobarese bible

2 KINṘÖTNGÖ 5

¹Ngaich keuheūten Sòlòmön tö nuk vahīre nö im patī ngam Mā Tēv. Ngaich Sòlòmön nö kēhĕt nuk chehen töhakösīṙen nö töhet tök yöng ò Tāvit, ngaich hachūökngö nuk rupīö, humlum, ṙòkhöre inrē nuk chūökṙen nö el chūök chehen ngam patī ngam Tēv.

²Ngaich hamūl yik mā i Israĕl ang Sòlòmön ṙòkhöre inrē yik yöng kūö miyöngö, yik yöngṙen nuk patī yik yöng yik tarik Israĕl, nö i Yērusalem, nö kēnyö ök kasòng kinlēḵngô ngam Mā Tēv nö ṙā-ang elpanam Tāvit, i Sīyôn.

³Ṙòkhöre ngaich yik tarik Israĕl nö hamūlöre nö i kūö ök rācha nö ik tökiröng nyinā-aṅ im sinātö chingëṅt.

⁴Yih ngaich nö ṙòkhöre yik mā Israĕl, ngaich yik Lēvī nö chātlö ök kasòng.

⁵Ngaich cha-a nö kēlö ök kasòng, tök rūkui manūlö, ṙòkhöre inrē nuk töhet chūökṙen më-el ök rūkui; kētö u yik kūönṙô tö yik Lēvī inrē.

⁶Ngaich i kūö ök kasòng ök rācha Sòlòmön tö yik tömaṙôngö aṅ Israĕl inrē, yik mahamūlöre nö i kūö ò, kētö töpōiyen sīṅp kōiny nuā inrē nuk töt kanṙeūken tö ṙôkenre.

⁷Ngaich yik kūönṙô nö kētö ök kasòng kinlēḵngô ngam Mā Tēv nö i chūök e el ök lā tuhēt töhet chūök ël ök patī, el ök tölngö töhet chūök, el katòh kël nuk kërupim.

⁸Pò nuk kërupim nö hanyāknyö këlre nö i kui ök chūök ök kasòng pòn hōtu nuk kërupim nö ruptö kui ök kasòng tö nuk kaneun e.

⁹Marôta nuk kaneun inrē lökten nuk rōi nuk kaneun nö meūkö löktö kūö im töhet chūök i kūö ngamlā tuhēt töhet chūök; ötkô pöri anū-ö nö meūkö nö el kahôyö; umuh nuk ing töngamuh.

¹⁰Öt aṅhavö ök kasòng tö yô-òv höng nuk tö nët tömitāk ihong chahaphöt Môsös nö i Hôrep, i chūök ngam Mā Tēv nö vī kinlēḵngô nö in yip tarik Israĕl, hē cha nö kunyī-inyre nö ṙā-ang Aikup.

¹¹Ngaich hē yik kūönṙô nö kunyī-inyre nö ṙā-ang el ök töhet chūök (pò yik kūönṙô yik mu-umuh nö ngaich nö ahetlöre, nö öt hakamka öp minchöölö cha;

¹²Ṙòkhöre inrē yik Lēvī tumkökṙôre, Asaf, Hēman, Yētutun inrē yik kūön cha mak alaha cha inrē hayūtöre tö tövai linen hilā nö höltö simpòl, hārp, lair, sökhak nö ngaich nö lā chuhöt ök tahāklö holtö töhēngòng nët anāi kūönṙô famöö römpĕt;

¹³Ngaich angū-ö nö la-en yip famöö römpĕt tumkökṙôre inrē nö hōtu nö hāngöṙô nö mūlöṙô nö ha-öiny ngam Mā Tēv), ngaich hē ngam tinkökö nö pōiti, nö holre tö römpĕt simpòl inrē tö nup tahëng ranöng, nö ha-öiny ngam Mā Tēv, Pò ò nö tölöök Pòn köp ngam hanāngen ò nö örheūheu. Tööḵlö ngaich ngam patī ngam Mā Tēv tö taṙul,

¹⁴Lökten yik kūönṙô nö ötkô nö sökhak nö meukṙen tö kūö ök taṙul; pò ngam lanöökö ngam Mā Tēv nö tööḵlö tī tö ngam patī ngam Tēv.