Read Car_Nicobarese NAHIMIĀ 10 Bible Online

NAHIMIĀ 10 - Car_Nicobarese bible

NAHIMIĀ 10

¹Achā-a yik kamtāntö tīre hē Nahemiā ök mahayöng, ök kikōnyö kūön Hakāiyā, Setikiā,

²Serayā, Asariyā, Yarimiā,

³Pāshör, Amariyām, Malkiyā,

⁴Hatus, Sēppaniyā, Māluk,

⁵Harim, Meremòt, Opētiyā,

⁶Tanīĕl, Kinnëton, Pārök,

⁷Mesulām, Apichā, Miyamin,

⁸Ma-āsiyā, Pilkai, Sēmaya; cha-a yin vē kūönṙô.

⁹Vē Lēvi: Yesūa ök kikōnyö kūön Asaniya, Pinūi yik kikōnyö kūön Hanatat, Katmi-el;

¹⁰Vē mak alaha cha inrē, Sēpaniyā, Hōtiyā, Kelitā, Pellayā, Hanan,

¹¹Maikā, Rēhòp, Hasapiya,

¹²Sākūr, Serepiya, Sēpaniyā,

¹³Hotiyā, Pāni, Panīnū,

¹⁴Vē yöngkūö yik tarik: Pāròs, Pahatmō-ap, Ēlam, Sattu, Pāni,

¹⁵Pūni, Askat, Pēpai,

¹⁶Atōniyā, Pikvai, Atin,

¹⁷Atör, Hasākiyā, Assör,

¹⁸Hotiyā, Hasum, Pēsai,

¹⁹Harif, Anātòt, Nēpai,

²⁰Mekpias, Mesulām, Hasīr,

²¹Mesāsāpĕl, Sētòk, Yātu-a,

²²Pelatiyā, Hanān, Aneyā,

²³Hōsī, Hanāniya, Hāsup,

²⁴Hallohes, Pilha, Sōpek,

²⁵Rēhum, Hasapnah, Maasāyā,

²⁶Ahiyā, Hānan; Anan,

²⁷Māluk, Harim, Pa-anah.

²⁸Yik tö ōtngöre tarik, yik kūönṙô, yik Lēvī, yik yōmkūö inkūp, yik tumkökṙôre, yik tarik ök tempöl, ṙòkhöre inrē yik mahaköhngen re tö yip tarik aṅ minë panam nö im chöngö ngam Tēv, yik pīhö cha, kūön cha kikōnyö, kūön cha kikānö, ṙòkhöre yik tö-akaha tö-akaha elmat inrē,

²⁹Hamūltöre nö i yik mak alaha re, yik mā cha, ngaich kēhötre nö el rinūtngövah tö chūöku kinlēḵngô inrē nö lök im chöngö ngam Tēv ngam tökētu nö in Môsös ök tarik ngam Tēv, nö haköpkö e la-evṙen inrē tö nup chöngö ngam Mā Tēv ngam Mā hī tö nup hachöngten Ò inchöngten inrē.

³⁰Hö-ö in min kētö kikānö kūönre in vē tarik ngam panam hēk öt kē kikānö kūön cha nö pīhö vē kūön hī;

³¹Ngaich yē yip tarik aṅ ngam panam nö kēhöt chehen hēk sāiny nö inyihka hē el anôilö sakāmö, hö-ö ayī-ö min havah in cha hē el anôilö hēk töhet sakāmö; ngaich ayī-ö min inrē hökngen nup ṙòng ngam sinātö samyeūheu öt hateung tīre inrē i hötṙeh.

³²Ṙātö elkuire ayī-ö inrē öi kē-ĕti in re kaheuk samyeūheu hĕng i tölūöi siköl (5 grm) nö kūö la-en ngam patī ngam Tēv hī;

³³Kūö nup töhameuknyu rôtī, nup tö-iṙūhen kinëti sāiny tökētu, nup tö-iṙūhen töföngö tökētu hē el anôilö ayöö chingëṅt tö halēnlöng tökiröng nyinā-aṅ, nup töhet chehen, tökētu inrē kūö tökööl vanī inlām tökööl in Israĕl, kūö nup la-en ngam patī ngam Tēv hī inrē nö ṙòkhöre.

³⁴Ngaich ngatī ayī-ö kalah öp tö teūngen, tö kūönṙô, tö Lēvi, tö yip tarik inrē, i nup ngòh tökētu, hòṅ u nö kēhötvö nö el ngam patī ngam Tēv hī, sā mitī-i patī yöng hī, i nup hē ṙētak töhalēnlöng, kaheuk samyeūheu, nö tö föngö nö el ngam tahāklö ngam Mā Tēv ngam Tēv hī, sā kinūichngö e nö im chöngö.

³⁵In re tī ayī-ö tö kinëtö nup lanòh ṙòng chōn aṅ el tumlat hī tö nup raneh ṙòng chōn në taṙòkhöre chōn, nö kaheuk samyeūheu, nö kētu nö el patī ngam Mā Tēv;

³⁶Ane inrē kētu nö el ngam patī ngam Tēv hī, nö in yip kūönṙô yip mameukṙen nö el ngam patī ngam Tēv hī, yip lanòh kūön hī kikōnyö tö nup nuā hī, sā kinūichngö e nö im chöngö, i nup tömūlhaka chehen hī sīṅp inrē nup lanòh;

³⁷Kētö nup lanòhlö ṙòng tökaṙôta atra, nup tī hī inrē, ṙòng chōn, vāin, tavī-i, kētu nö i yip kūönṙô, nö el nup tökiröng urôhò ngam patī ngam Tēv hī; kētu inrē nö in yip Lēvi hĕng hata nö i tösöm nup aṅkūö tumlat hī, pòn yip Lēvi min mahamūl töhĕng i tösöm nö i nup elpanam hī i tavat nö ṙòkhöre.

³⁸Ngaich öp kūönṙô, öp kikōnyö kūön Āròn, nö hol yip Lēvi min yē yip Lēvi min nö kē nup töhĕng i tösöm; ngaich yip Lēvi min nö kēhöt nup töhĕng i tösöm nö el patī ngam Tēv hī, el nup tökiröng urôhò, el nup patī chūök inchūökngö.

³⁹Pò yip tarik Israĕl min tö yip kikōnyö kūön Lēvi nö kēhöt nup tīre sāiny, vāin, tavī-i inrē nö el nup tökiröng urôhò, i chūök nup chūökṙen ngam töhet chūök, tö yip kūönṙô yip mameukṙen, tö yip yōmkūö inkūp tumkökṙô re inrē. Hö-ö in hòṅ höhölōn tö ngam patī ngam Tēv hī.