Read Car_Nicobarese NAHIMIĀ 11 Bible Online

NAHIMIĀ 11 - Car_Nicobarese bible

NAHIMIĀ 11

¹Ngaich yik yöngṙen yik tarik nö iyöng Yērusalem; ngaich yik tö-ōtngöre tarik nö katöllö töteūngen nö kēhötvö hĕng tak i tösöm tak nö iyöng Yērusalem ngam töhet el panam, yik tömachūötöre taka pöri i tösöm höngngöh nö i nuk tahëng elpanam.

²Ngaich yik tarik nö hakôlò yik töhōḵ tarik nö iyöng ël Yērusalem.

³Vē yin mākūö panam mi-iyöng nö i Yērusalem i nuk elpanam Yūtā pöri kö iyöng i kui inlānen re pöri cha-a nö i nuk elpanam cha: Israĕl, tö yik kūönṙô, tö yik Lēvi, tö yik tarik ök tempöl, tö yik kūön yik tarik Sòlòmön inrē.

⁴I Yērusalem inrē yik rīkre nö iyöng kikōnyö kūön Yūtā, kikōnyö inrē kūön Penyamin. Aṅ in yik kikōnyö kūön Yūtā: Atayā ök kikōnyö kūön Usiyā, kikōnyö kūön Sakariyā, kikōnyö kūön Amariyā, kikōnyö kūön Sefatiya, kikōnyö kūön Mahālalēl, aṅ in yik kikōnyö kūön Pērĕs;

⁵Ma-asēyā ök kikōnyö kūön Pārök, kikōnyö kūön Kolhaseh, kikōnyö kūön Hasayā, kikōnyö kūön Hatayā, kikōnyö kūön Yōyarip, kikōnyö kūön Sakariyā, kikōnyö kūön Sēlonāit.

⁶Ṙòkhöre yik kikōnyö kūön Pērĕs yik mi-iyöng Yērusalem nö fënòng tafūöl anāi hëvhöre tarik nö tökalēḵ.

⁷Vē yin kikōnyö kūön Penyamin: Salū kikōnyö kūön Mesulām, kikōnyö kūön Yô-ĕt, kikōnyö kūön Petayā, kikōnyö kūön Kōleyā, kikōnyö kūön Ma-asāyā, kūön Iti-el, kikōnyö kūön Yēsayā.

⁸Unôichtö ò Kēppāi, Sālai, machūötör ṙòng nët anāi hëvhöre.

⁹Yô-ĕl ök kikōnyö kūön Sikrī nö anga-aṅ mameukken cha; Yūtā inrē ök kikōnyö kūön Hasënu-ā innëtö anga-aṅ nö i kui ngam elpanam.

¹⁰Aṅ in yik kūönṙô: Yētayā ök kikōnyö kūön Yōyaripi, Yakin,

¹¹Sērayā ök kikōnyö kūön Hilkayā, kikōnyö kūön Mesulām, kikōnyö kūön Sētòk, kikōnyö kūön Merayòt, kikōnyö kūön Ahitöp, mahayöng ök patī ngam Tēv,

¹²Yik hanöng kisānö cha inrē töla-evṙen nö im patī, hëvhöre ṙòng nët anāi nët; Atayā inrē ök kikōnyö kūön Yērōham, kikōnyö kūön Pelāliya, kikōnyö kūön Amsi, kikōnyö kūön Sakariyā, kikōnyö kūön Pāsur, kikōnyö kūön Malkiyā,

¹³Yik hanöng kisānö ò inrē, yöngkūö patī yik yöng, nëtòng fën anāi nët; Amasai inrē, ök kikōnyö kūön Asarel, kikōnyö kūön Asai, kikōnyö kūön Mësilemòt, kikōnyö kūön Immër,

¹⁴Tö yik hanöng kisānö cha inrē, tökalēḵ nö tarik, hēngòng nët anāi hëvhöre; mameukken cha ang Sapti-ĕl ök kikōnyö kūön Hakkettōlim.

¹⁵Aṅ in yik Lēvi: Sēmayā ök kikōnyö kūön Hasup, kikōnyö kūön Asrikam, kikōnyö kūön Hasapiyā, kikōnyö kūön Pūni;

¹⁶Sapetai inrē, Yōsapāt inrē aṅ in yik yöngkūö yik Lēvi, yik mi-ikui nuk elkahôyö la-en ngam ngam patī ngam Tēv;

¹⁷Mataniyā inrē ök kikōnyö kūön Maika, kikōnyö kūön Sapti, kikōnyö kūön Asaf, ök yöngṙen kamaknyörit nöönyö i invë-a, Papūkiyā inrē, ök innëtö in yik hanöng kisānö ò; Atta inrē ök kikōnyö kūön Samū-a, kikōnyö kūön Kalal, kikōnyö kūön Yētutun.

¹⁸Ṙòkhöre yik Lēvi el ngam töhet elpanam nö nëtöng hëvhöre anāi fën.

¹⁹Yik yōmkūö inkūp, Akkup, Talmòn tö yik hanöng kisānö cha yik amahtö kūö inkūp, nö hēngòng sat anāi nët.

²⁰Yik tö-ōtngöre Israĕl, tö yik kūönṙô, tö yik Lēvi, ṙòkhöre nö ël nuk elpanam Yūtā, nö kö i amin re.

²¹Yik tarik ök tempöl pöri iyöng i kui Ôfel; ngaich Sīha, Kispā inrē nö i kui yik tarik ök tempöl.

²²Ök mameukkö yik Lēvi i Yērusalem ang Usī kikōnyö kūön Pāni, kikōnyö kūön Hasapiyā, kikōnyö kūön Mataniya, kikōnyö kūön Maika, aṅ in yik kikōnyö kūön Asaf yik tumkökṙôre, i kui ök la-ev ök patī ngam Tēv.

²³Pòn chöngö ök umuh aṅ ik rācha i inlahen cha, lēnngö nyā-aṅkūö inrē yik tumkökṙôre, sā ṙôken i töhĕng sakāmö.

²⁴Patahiya inrē ök kikōnyö kūön Mesesāpĕl, aṅ in yik kikōnyö kūön Sērĕh ök kikōnyö kūön Yūtā nö kël ök rācha i nuk inlahen yik tarik.

²⁵I nuk tuhēt inrē tö nup panô-òṅ in u, rīkre yik tarik aṅ Yūtā mi-iyöng Kirī-atarpā i nup tuhēt e inrē, i Tīpòn i nup tuhēt e inrē, i Yākapsīl, i nup tuhēt e inrē.

²⁶I Yesūa i Môlata inrē i Pĕtpēlĕt inrē,

²⁷I hasarsu-al inrē, i Pīrsipā i nup tuhēt e inrē,

²⁸I Siklek i Mēkonā i nup tuhēt e inrē,

²⁹I Enrimon, i Sōra, i Yarmòt,

³⁰Sanōah, atullam, i nup tuhēt u inrē, Lākis tö nup tuhēt e inrē. Löktökūö Pīrsipā söl ik achāṙô Hinōm.

³¹Yik tarik Penyamin inrē nö iyöng löktökūö Kīpā söl umū-aṅ, i Mikmās, Ayā, Pētĕl i nup tuhēt e inrē,

³²Anatòt, Nòp, Ananiyā,

³³Hasör, Ramā, Kītēm,

³⁴Lot, Ôno, el achāṙö chūök vahīṙen tarik,

³⁵Rīkre nup milā-a yip Lēvi i Yūtā töhamūltu nö in Penyamin.