Read Car_Nicobarese NAHIMIĀ 12 Bible Online

NAHIMIĀ 12 - Car_Nicobarese bible

NAHIMIĀ 12

¹Vē yin kūönṙô tö vē Lēvi vē holröön Serupāpĕl ök kikōnyö kūön Sī-ĕlti-ĕl, Yesūa inrē: Sērayā, Yarimiā, Esrā,

²Amariyā, Mālök, Hatus,

³Sēkaniya, Rēhum, Meremòt,

⁴Aitō, Kinëtoi, Apichā,

⁵Miyamin, Ma-atiya, Pilka,

⁶Semaya, Yōyērip, Yëtaya,

⁷Sallū, Amòk, Hilkiya, Yëtaya. Cha-a yin vē yöngkūö yik kūönṙô yöngkūö yik hanöng kisānö cha inrē i nuk sakāmö Yesūa.

⁸Yik Lēvi inrē: Yesūa, Pinūi Katmi-ĕl, Serapiyā, Yūtā, Mataniyā inrē, yik hol yik hanöng kisānö cha nö yōm tinkökö nöönyö.

⁹Papukiya inrē tö Unno nak hanöng kisānö cha nö sökhaka nö lā kūö cha hē el vinë-eṅkūötēv.

¹⁰Yesūa inrē ök kikōnyö yöng Yōyakim, Yōyakim ök kikōnyö yöng Ēliasip, Ēliasip ök kikōnyö yöng Yōyata,

¹¹Yōyata ök kikōnyö yöng Yônatan, Yônatan inrē kikōnyö yöng Yatuā.

¹²I nup sakāmö Yōyakim yik kūönṙô yöngkūö patī yöng: aṅ in Seraya, Mereya; aṅ in Yarimiā, Hananiya;

¹³Aṅ in Esrā, Mesulām; aṅ in Amariya, Yehōhanan;

¹⁴Aṅ in Maluki, Yônatan; aṅ in Sepaniya, Yôsĕf;

¹⁵Aṅ in Harim, Atna; aṅ in Merayòt, Helkai;

¹⁶Aṅ in Aitō, Sekariya; aṅ in Kinaton, Masu-ām;

¹⁷Aṅ in Apichā, Sikrī; aṅ in Minyamin, aṅ in Mō-atiya, Piltai;

¹⁸Aṅ in Pilka, Samu-ā; aṅ in Semayā, Yehōnātan;

¹⁹Aṅ in Yōyārip, Metenai; aṅ in Yëtayai, Usi;

²⁰Aṅ in Sālai, Kalai; aṅ in Amòk, Ēpòr;

²¹Aṅ in Hilkiya, Hasapiya; aṅ in Yētayā, Netanĕl.

²²Yik Lēvi pöri, hē nuk sakāmö Ēliasip, Yōyata, Yohanan, Yatu-a inrē, mikahayö nö umuh yik yöngkūö patī yöng; yik kūönṙô inrē hanöng saha hē Tērīös nö hayöng ök aṅ Pörsia,

²³Yik kikōnyö kūön Lēvi yöngkūö patī yik yöng, ngaich nö kūichiyö nö i mat Līpöre Kinṙötngö söl i nuk sakāmö Yôhanan ök kikōnyö kūön Ēlīasip.

²⁴Yik yöngkūö Lēvi inrē: Hasapiyā, Serapiya, Yesūa inrē ök kikōnyö kūön Katmī-ĕl, hol tö yik hanöng kisānö re nö i kui cha, nö ha-öiny ha-öiny tö tī inrē, sā ök chöngö Tāvit ök tarik ngam Tēv, aṅhaṅti nö sā ngam ināhati.

²⁵Mataniya, Papukiya, Opĕtiya, Mesulām, Talmòn, Akkup inrē yōmkūö inkūp sökhaka nö aṅ tö nup chūök chehen patī i nuk inkūp.

²⁶Anū-ö nun në sakāmö Yōyakim ök kikōnyö kūön Yesūa kikōnyö kūön Yōsatak, i nuk sakāmö Nahimia inrē ök mahayöng, Esrā inrē ök kūönṙô nö kamūich.

²⁷Hē kinëten ök kinlōngö i Yērusalem chöh yik Lēvi cha-a nö keuheūt chūök cha, nö kēten cha nö i Yērusalem nö lök alaha ök kinëten nö holtö ṙanāmölōn, holtö nöinytö tī holtö tinkökṙô re inrē hol tö simpòl hārp, lair inrē.

²⁸Hamūlöre inrē yik kikōnyö kūön yik tumkökṙô re nö ṙeū-eung i ṙôktö chinvīṙö Yērusalem löktökūö nuk tuhēt inrē i Nētōfat;

²⁹Ṙeū-eung Pĕtkilkāl inrē ṙeū-eung i chīṙö Kipā, Asmavet inrē; pò yik tumkökṙôre nö vīlö tuhēt re nö havīlen Yērusalem.

³⁰Ngaich yik kūönṙô tö yik Lēvi nö ahetlöre; ahetlö yik tarik cha-a inrē tö nuk inkūp ök kinlōngö inrē.

³¹Ngaich chū-ö kētö yik kūön rācha aṅ Yūtā nö i kui ök kinlōngö, ngaich nët kiteūm halēnlö tö tökiröng tömūl yik maha-öiny mahaṙāköre inrē nö kiröönngöre. Hĕng kiteum yik lamök lā hāmö i kui ngam kinlōngö nö söl ik Inkūp Sôḵ nuā:

³²Unôichrit cha ngaich Hōsaya ròngti inrē yik kūön rācha aṅ Yūtā,

³³Asaria inrē, Esrā, Mesulām,

³⁴Yūtā, Penyamin, Sēmaya, Yarimia inrē,

³⁵Rīkre inrē yik kikōnyö kūön yik kūönṙô holtö römpĕt: Sekariya ök kikōnyö kūön Yônatan, kikōnyö kūön Yônatan, kikōnyö kūön Sēmeya, kikōnyö kūön Mataniya, kikōnyö kūön Makaya, kikōnyö kūön Sākūr, kikōnyö kūön Asaf;

³⁶Yik mak alaha ò inrē Semaya, Asarel, Milalai, Kilalai, Ma-ai, Natanĕl Yūta, Hanani inrē holtö nuk chehen ranöng Tāvit ök tarik ngam Tēv; Esrā inrē ök kamūich urēhĕkūö cha nö kiröönngöre.

³⁷Ik Löklö Mak Inkūp cha-a nö hachīpöre nö kiröönngöre nö urēhĕkūö cha lök i nuk vanānglö im elpanam Tāvit, i yanônlö ök kinlōngö, lā tulöng tök patī Tāvit, söl ik Inkūp Mak lā chuhöt.

³⁸Ök tahëng kiteūm yik maha-öiny kiröönngöre nö lā tavē, tömrit cha chū-ö inrē holtö yik töròngti tarik, i kui ngam kinlōngö, lā tulöng tök Chūök Chamônga i nuk tisum, söl im Töpōi tāk Kinlōngö,

³⁹Lātulöng töm Inkūp Ifrēm inrē, lök ik Hötṙeh Inkūp, Lök ik Inkūp Kāḵ inrē tök Chūök Chamônga Hanānel, tök Chūök Chamônga tö Hēngòng, söl ik Sīṅp; ngaich cha-a nö sökngöre nö ip Inkūp Amahati.

⁴⁰Lökten më tönët kiteūm yik maha-öiny nö sökhaka nö el ök patī ngam Tēv, tö yik töròngti inrē mākūö nö hol chu;

⁴¹Yik kūönṙô inrē hī Eliakim, Ma-asēya, Miniyamin, Mikaya, Eli-o-anai, Sekariya, Hananiya inrē, holtö römpĕt;

⁴²Maseya inrē, Semaya inrē, Ēli-asör, Usi, Yahōhanan, Malkiya, Ēlam, Ēsör inrē tikökṙôre ngaich yik tumkökṙôre nö hol Yesrahiya nö yöngṙen cha.

⁴³Kiröngen kahëti cha-a ngaich tö tökētu ik sakāmö angū-ö ngaich ṙāmölōn, pò ngam Tēv nö vīten cha nö ṙāmölōn nö kiröngen ṙanāmölōn; yik kikānö tö yik nyīö inrē nö ṙāmölōn, Marôvat hināngö ngaich ngam ṙanamölōn Yērusalem.

⁴⁴Ik Sakāmö angū-ö halēnlöng yik tarik i nuk tökiröng urôhò nö yōm nuk chūök nyā-aṅkūö, nuk tī, nuk lanòhlö ṙòng nuk töhĕng i tösöm inrē, nö hamūl nup minchöḵ-ö cha nö kūönṙô nö Lēvi inrē nö sā ṙô ngam chöngö sā ṙôken nup panô-òṅ nup elpanam; pò Yūtā nö ṙāmölōn nö in yik kūönṙô in yik Lēvi inrē yik mameukṙen.

⁴⁵Ngaich cha-a nö la-evṙen tö la-en ngam Tēv cha tö la-en ngam inhetlö inrē, sā yik tumkökṙôre tö yik yōmkūö inkūp sā chöngö Tāvit ök kūön ò inrē Sòlòmön.

⁴⁶Pòn hē nuk sakāmö Tāvit Asaf inrē misī nö hĕng tak ök umuh yöngkūö tumkökṙôre, ngaich nöönyö inrē nuk umuh tinkökö nöinytö tī ngam Tēv inrē.

⁴⁷Ṙòkhöre ngaich yik Israĕl i nuk sakāmö Serupāpĕl nö kētö nuk minchööḵö yik tumkökṙôre i töhĕng sakāmö tö yik yōmkūö inkūp inrē; ngaich cha-a nö haköhngen nuk minchööḵ-ö yik Lēvi inrē nö haköhngen minchööḵ-ö yik kikōnyö kūön Āròn.