Read Car_Nicobarese YŌP 10 Bible Online

YŌP 10 - Car_Nicobarese bible

YŌP 10

¹Sa-òkhö nômö re chin; öt lak ṙô re chin tö ngam vahë-enyre; i inngū-öṅ ellōn re chin min ṙô-òvö.

²Ngö ṙô chin min töm Tēv, Uh chin kētu sācha; mikahtölōn chu töp lökten meh lā-al chu.

³Tölöök öng nö in meh ngam inkihten, öm miyëṙen tö vahīre ngaich halöngten tī tötlöök?

⁴Mātu öm tö alaha? Sā mat tarik öm meuk?

⁵Sakāmö tarik nup sakāmö meh, hēk samyeūheu tarik nuk sam- yeūheu meh,

⁶Töp lökten meh chöh öt lanöö- kö chu chöh tökööl chu inrē,

⁷Pòrô man akahalōn tö chu öt fāluṙen, ngaich öt hĕng tak ṙamā-any nö ṙā-ang eltī meh?

⁸Vī-i chu nun minë kuntī meh; ngaich töngamuh më-eṅ havöö- tö kūöre fëlngen chu.

⁹Köpölōn man tö re vī-i chu aṅ i tilin; hòṅ vīngen chu öm pitung hēk?

¹⁰Röh ömeh asënyen chu sā aṅteh vī-i chu inrē töhī sā chīö?

¹¹Hayūtö chu ömeh tö uk alaha tö alaha inrē, kupātten chu inrē i tangëḵ tö rahēḵ inrē.

¹²Kētö nômö man tököp inrē hanāngenlōn; köpötī inrē ap chumkūöṙen meh tö ma-alaha chu.

¹³Sön pöri më-eṅ hanyatngö në ellōn chu; akahalōn chin tö e nö angū-ö chööḵnyö meh.

¹⁴Mikahngen chu, yē chu köö- lö fālen, ngaich rö-ö inrē ṙānyen chu i kanöölö fālen chu.

¹⁵Yē chu ötlöök, töt kôlò chin yēḵ ngaich! Yē chu löök, ötkô chū-ö chi- ngôhòl kuire, pò chu tööḵlö tö miṙē-ĕv ngëichkö kanihngenre inrē chū-ö.

¹⁶Yē chu hachônglöre, hacheū- eu chu më-eṅ sā lāyön, ngaich hēk lā-al chu inrē vī pinngangkūö;

¹⁷Tumfömlö vamënyën chu man nö lā-al chu, ṙūöhlö kanihngen inrē më-eṅ lā in chu; ngatī tī më-eṅ kētö tufömngöre tömaṙôngö lā-al chu.

¹⁸Kūöyòh ömeh kēnyen chu ṙā-ang el chūök kanūönö? Röh öich öre sòk kapah u- rēhĕkūö mat nö meūkö chu,

¹⁹Ngaich öre öich höng sā töng rö-ö, löknyö el chūök kanūönö chuh el Anūlö.

²⁰Röh nup sakāmö nômö chu nö öt ṙōl? Hökngen chu, hòṅ chu kôtö- kūö tö kun inṙamlōn

²¹Urēhĕkūö chu ṙā-ang ihih öt havan, chū-ö min, ip panam miṙivlōn tökufëi sin- ngūlö inrē,

²²Öp panam miṙivlōn tötlēn inrē, i chūök öp hanātö töng sā sinngūlö.