Read Car_Nicobarese YŌP 12 Bible Online

YŌP 12 - Car_Nicobarese bible

YŌP 12

¹Sapṙô ngaich Yōp:

²Yī-ö yin tarik, kapah öp min mikah nö a- nòngngen yīö.

³Sā yīö chin chū-ö aṅhaṅvin tö mikah elmat; hö-ö chin höö-angen tö yīö. Achīö ap töt akahalōn tö në?

⁴Minyīöl holre chin; chū-ö mahavëkö Tēv ngaich sapṙô chu anga-aṅ, tölöök tarik inrē töt falnguṙen, öich höng minyīöl.

⁵Ellōn öp töhĕng tak töku- chīken öp minūö ṙô tö kanih- ngen; lēn an nö in cha yip tö taleūchi röön.

⁶Lām nup rūkui tötūmu, köp inrē yip maharunnyö lanīnö ngam Tēv, yip tö kumtö tēvre nö eltī re.

⁷Yĕh hatön töṙeūla, haköpten meh anū-ö min; chehechōn el kuföt, vë-eny nang meh anū-ö min;

⁸Hēk në chōn ngam tumlat, haköpten meh anū-ö min; ngam kā el mai inrē min nö vë-eny nang meh.

⁹Öp yòh öp in u töt akahaṙa tö ngam kël ngam Tēv nö tīten e?

¹⁰Eltī ò nup nômö tö-aṅ unhômö tarik inrē.

¹¹Röh ang ngam nang nö kalah ṙô nö sā elmirālö nö akah kum- chik nyā-aṅkūö?

¹²I tököiny an ngam mikah, i rô-òtö sakāmö inrē mikah elmat.

¹³Mikah kumlēḵ inrē hol ngam Tēv; in ò inlēnö, mikah elmat inrē,

¹⁴Tikachhang ana, öt hĕng tak tökô nö hēk nö vī-il; yē ò nö öpngökūö tarik, öt hĕng tak tökô lamöpnyökūö.

¹⁵Yē ò nö haköp röön mak nyôngö ngaich anū-ö; yē ò nö tīnnyö u, ṙööingö tī anū-ö tö panam.

¹⁶In ò kumlēḵ mikah inrē; öp töhachīlö mahachīl inrē aṅ in ò.

¹⁷Hachōngö mahalēn anga-aṅ nö lūhui inyut, vītö kamhôṅka inrē anga-aṅ nö kulō-ov.

¹⁸Luhngö nyanëk rācha anga- aṅ, kafanlö ṙat cha inrē tö hilā.

¹⁹Hachōngö kūönṙô anga-aṅ nö lūhui inrē.

²⁰Kēngö ṙô cha anga-aṅ yip nyanatlö, kēngö chanöh elmat inrē nö in yip maṙöinylö.

²¹Mināich anga-aṅ nö i kūön rācha, luhngö inmöpṙat tökalēḵ inrē.

²²Luvënyö ngam tö-aṙūö anga- aṅ nö el sinngūlö, kēnyö tökufëi sinngūlö inrē nö el hanātö.

²³Vīlö pumnāmö tarik anga-aṅ nö kiröng, piyāingen cha inrē: ṙūönyö ṙôkti pumnāmö tarik anga-aṅ, hachōḵngen cha inrē.

²⁴Kēngö mikah elmat anga-aṅ nö ṙā-ang i mākūö tarik aṅ el tumlat, vīten cha inrē nö havötköre nö el töt talöökuvö kahôyö.

²⁵Öt ëaṅvu cha-a nö ṙēp talöö- köre nö el sinngūlö; vīten cha anga-aṅ inrē nö kalö- va sā tarik mihiyōi.